હેલ્ધી અને ટેસ્ટી બનાના સ્મૂધી સાથે કરો દિવસની શરૂઆત, એકદમ સરળ છે તેની રેસીપી

ઉનાળો હોય કે શિયાળો દરેક ઋતુમાં કેળા સ્વાસ્થ્ય માટે ખૂબ જ ફાયદાકારક હોય છે. ઉનાળામાં, તમે તેની મદદથી ટેસ્ટી સ્મૂધી અથવા શેક બનાવી શકો છો અને તમારા દિવસની હેલ્ધી અને ટેસ્ટી શરૂઆત કરી શકો છો. તમને જણાવી દઈએ કે, આ પીવાથી આખો દિવસ પેટ ઠંડુ રહે છે એટલું જ નહીં, શરીરમાં એનર્જી પણ જળવાઈ રહે છે. જો તમે પણ તેને બનાવવાની સાચી રીત નથી જાણતા તો ચાલો તમને તેની સૌથી સરળ રેસીપી જણાવીએ.

સામગ્રી

• કેળું - 1 નંગ 
• દૂધ - 2 કપ
• ખાંડ - 2 ચમચી
• દહીં - 50 ગ્રામ
• વેનીલા એસેન્સ - 1/2 ટીસ્પૂન
• બરફ - 2-4 ટુકડા

બનાવવાની રીત 

• બનાના સ્મૂધી બનાવવા માટે સૌપ્રથમ કેળાના ટુકડા કરી લો અને તેને મિક્સર જારમાં નાખો.
• આ પછી તેમાં દૂધ, ખાંડ અને બરફના ટુકડા નાખીને મિક્સરમાં મિક્સ કરો.
• આ પછી, જાર ખોલો અને તેમાં દહીં અને વેનીલા એસેન્સ મિક્સ કરો.
• હવે ફરી એકવાર ઢાંકણ ઢાંકી દો અને બધું મિક્સ કરો.
• બનાના સ્મૂધી તૈયાર છે. તેને સર્વિંગ ગ્લાસમાં નાખીને સર્વ કરો.