Navratri 2024 / ગરબા નાઈટ પર પરસેવાથી પણ નહીં બગડે તમારો મેકઅપ, બસ ફોલો કરો આ 7 ટિપ્સ

શારદીય નવરાત્રીમાં માતાના આગમનને કારણે ભક્તોના મનમાં ઉત્સાહ તો હોય જ છે પરંતુ લોકો દાંડિયા અને ગરબા નાઈટને લઈને પણ ભારે ઉત્સાહિત હોય છે. નવરાત્રી શરૂ થાય તે પહેલા જ લોકો ગરબા અને દાંડિયા નાઈટની તૈયારીઓ શરૂ કરી દે છે.

જો તમે પણ ગરબા નાઈટમાં ભાગ લેવા જઈ રહ્યા છો, તો અમે તમારા માટે કેટલીક ખાસ ટિપ્સ લઈને આવ્યા છીએ, જેના દ્વારા તમે તમારા લુકને વધુ આકર્ષક બનાવી શકો છો. આ ટિપ્સ ફોલો કરવાથી તમે ગમે તેટલા ગરબા કરશો પરંતુ પરસેવાથી પણ તમારો મેકઅપ નહીં બગાડે. આવો અમે તમને આ 7 મેકઅપ ટિપ્સ વિશે પણ જણાવીએ.

પ્રાઈમરનો ઉપયોગ કરો

ગરબા કરતી વખતે પરસેવો વળવો સામાન્ય બાબત છે. આપણે તેનાથી છુટકારો નથી મેળવી શકતા કે ગરબા કરવાનું પણ બંધ નથી કરી શકતા. તો આ માટે મેકઅપ કરતા પહેલા તમારી ત્વચા પર પ્રાઈમરનો ઉપયોગ કરો. જેથી ગરબા કરતી વખતે તમારો પરસેવો તમારા ફાઉન્ડેશન સાથે ભળી ન જાય અને તે ખરાબ ન થઈ જાય.

લાઈટ બેઝનો ઉપયોગ કરો

જો તમે એવા લોકોમાંથી એક છો જેમને ઘણો પરસેવો વળે છે, તો લાઈટ બેઝનો ઉપયોગ કરો, તેનાથી તમારો મેકઅપ લાંબો સમય ચાલશે.

વોટર પ્રૂફ કાજલ લગાવો

આંખો માટે વોટર પ્રૂફ કાજલ, મસ્કરા અને લાઈનરનો ઉપયોગ કરો. આનાથી કાજલ, મસ્કરા અને લાઈનર ફેલાવાની શક્યતા ઘટી જાય છે.

મેટ લિપસ્ટિક લગાવો

મેટ લિપસ્ટિકનો ઉપયોગ કરો. એક તો તે ફેલાતી નથી અને બીજું, તે લાંબા સમય સુધી ટકી રહે છે. મેટ લિપસ્ટિકની ચમક લાંબા સમય સુધી જળવાઈ રહે છે, તેથી ગરબા નાઈટ દરમિયાન તેનો ઉપયોગ કરો.

ઓઈલ ફ્રી મેકઅપ

તમે મેકઅપ માટે જે પણ પ્રોડક્ટ્સનો ઉપયોગ કરો છો, તે ઓઈલ ફ્રી અને વોટર પ્રૂફ છે તેની ખાતરી કરો. ઓઈલ ફ્રી અને વોટર પ્રૂફ પ્રોડક્ટ્સનો ઉપયોગ કરવાથી મેકઅપ લાંબો સમય ટકે છે.

સેટિંગ પાવડરનો ઉપયોગ કરો

પરસેવો અટકાવવા માટે સેટિંગ પાવડરનો ઉપયોગ કરો. આના કારણે મેકઅપ લાંબા સમય સુધી એવો જ રહે છે અને મેકઅપ કેકી નથી લાગતો.

શીયર આઈશેડોનો ઉપયોગ કરો

શીયર આઈશેડો તમારી આંખનો દેખાવ વધારશે. આનાથી તમારો આઈશેડો પેચી નહીં થાય અને તમારી સુંદરતામાં વધારો થશે.

સેટિંગ સ્પ્રે ન ભૂલશો

મેકઅપ કર્યા પછી, અંતમાં સેટિંગ સ્પ્રેનો ઉપયોગ કરવાનું ન ભૂલશો. આ તમારા મેકઅપને ફિક્સ કરશે, જેથી મેકઅપ લાંબા સમય સુધી ચાલશે.

ખાસ નોંધ: આ સામાન્ય માહિતી છે, વ્યક્તિગત સલાહ નથી. દરેક વ્યક્તિની જરૂરિયાતો અલગ-અલગ હોય છે. કોઈપણ વસ્તુનો ઉપયોગ કરતા પહેલા નિષ્ણાતની સલાહ લો. કોઈપણ વસ્તુના ઉપયોગથી થતા નુકસાન માટે GSTV જવાબદાર રહેશે નહીં.