Travel Tips / વિદેશ જતા પહેલા ના કરો આટલી ભૂલો, આ વાતોનું રાખો ખાસ ધ્યાન

વિદેશ પ્રવાસનું નામ સાંભળતા જ લોકો આનંદથી ઉછળી પડે છે. કારણ કે મોટાભાગના લોકોનું સપનું હોય કે તે જીવનમાં એકવાર વિદેશ પ્રવાસનું પર જઈ શકે. પરંતુ ઘણી વખત ઉત્સાહના કારણે લોકો કેટલીક ભૂલો કરી બેસે છે, જેના કારણે તેમને મુશ્કેલીનો સામનો કરવો પડે છે.

નાની ભૂલો તમારા માટે મોટી સમસ્યા બની શકે છે. આવી સ્થિતિમાં, જો તમે પણ પ્રથમ વખત વિદેશ પ્રવાસ કરવા જઈ રહ્યા છો, તો તમારે કેટલીક બાબતોનું ધ્યાન રાખવું જોઈએ. આવો જાણીએ કઈ એવી બાબતો છે જેનું ધ્યાન રાખવું ખૂબ જ જરૂરી છે.

આ બાબતોને અવશ્ય ધ્યાનમાં રાખો

વિદેશમાં મુસાફરી કરતી વખતે લોકો પેકિંગ કરવામાં બિલકુલ કંજૂસાઈ નથી કરતા. નવા કપડા, ફોટોગ્રાફી માટે કેમેરા, સ્કિન કેર પ્રોડક્ટ્સ, એકથી વધારે ફૂટવેર, સનગ્લાસીસ વગેરે વસ્તુઓ રાખે છે. પરંતુ આવી પરિસ્થિતિઓમાં કેટલાક લોકો મહત્ત્વપૂર્ણ ડોક્યુમેન્ટ રાખવાનું ભૂલી જાય છે. પરંતુ તમારે ભૂલથી પણ આ ભૂલ ન કરવી જોઈએ. જ્યારે પણ તમે વિદેશ પ્રવાસ પર જાઓ ત્યારે સૌથી પહેલા તમારે બધા ડોક્યુમેન્ટ તમારી સાથે રાખવા જોઈએ.

એક અઠવાડિયા પહેલા કરો આ કામ

પ્રવાસ પર જવાના એક અઠવાડિયા પહેલા, તમારી ફ્લાઈટની ટિકિટ, રહેવાની વ્યવસ્થા અને અન્ય બાબતોને ચેક કરી લો, કારણ કે ત્યાં પહોંચ્યા પછી, તે તમારા માટે મુશ્કેલીનું કારણ બની શકે છે. જો તમે કંપનીના કામ માટે વિદેશ જઈ રહ્યા છો, તો પહેલા તમારી બેગમાં લેપટોપ, ચાર્જર, જરૂરી ફાઈલ જેવી વસ્તુઓ રાખો, જેથી કોઈપણ જરૂરી વસ્તુ પેક કરવાની રહી ન જાય. આ સિવાય કેટલાક લોકો સ્થળ બદલવાના કારણે બીમાર પડી જાય છે. આવી સ્થિતિમાં, મેડિકલ બોક્સ જરૂર પેક કરો.

જો તમે વિદેશમાં સ્થાયી થવાના છો તો આ કામ કરો

જો તમે વિદેશમાં સ્થાયી થવાના હોવ, તો તમારે તમારા પાસપોર્ટની માન્યતા તપાસવી જોઈએ. આ સિવાય જરૂરી વિઝા અને પરમિટ પણ મેળવી લો. એટલું જ નહીં, ઘર બદલતા પહેલા, તમારે તમારા બેંક બેલેન્સ બીજા દેશમાં મોકલવાની સંપૂર્ણ વ્યવસ્થા બે-ત્રણ મહિના અગાઉ કરવી જોઈએ. તમે તમારા ઈન્સ્યોરન્સ, હોમ ઈન્સ્યોરન્સ અને કાર ઈન્સ્યોરન્સ બધું જ નવી જગ્યા અનુસાર બદલી શકો છો. જેથી ભવિષ્યમાં તમારે મુશ્કેલીનો સામનો ન કરવો પડે.

પૈસા સંબંધિત કામ કરો

તમારે તમારા બધા બિલ, લોન, ક્રેડિટ કાર્ડ પણ સમયસર ચેક કરવા જોઈએ. આ બધા ઉપરાંત, તમારે તમારા નામ અને સરનામામાં ફેરફાર વિશે જાણ કરવી જોઈએ. આ સિવાય વિદેશ જતા પહેલા થોડી રોકડ રકમ તમારી સાથે રાખો. પૈસા દરેક જગ્યાએ જરૂરી છે, યાદ રાખો કે વિદેશ જતા પહેલા તમારે કરન્સી કન્વર્ટ કરવી પડશે.