સપ્ટેમ્બર મહિનામાં એક્સપ્લોર કરો હિમાચલ પ્રદેશનાના આ સુંદર અને અદ્ભુત સ્થળો, ક્યારેય નહીં ભૂલો અહીંના નજારા

હિમાચલ પ્રદેશ દેશનું એક મુખ્ય અને સુંદર પહાડી રાજ્ય છે. તેથી, અહીં હજારો દેશી અને વિદેશી પ્રવાસીઓ મુલાકાત લેવા આવે છે. હિમાચલ પ્રદેશ દેશનું એક એવું પહાડી રાજ્ય છે, જ્યાં ફરવા માટે ઘણા અદ્ભુત સ્થળો છે. વર્ષના અન્ય મહિનાઓની જેમ સપ્ટેમ્બરમાં પણ અહીં આવવાનો એક અલગ જ આનંદ છે.

આ લેખમાં, અમે તમને હિમાચલ પ્રદેશની કેટલીક એવી જગ્યાઓ વિશે જણાવવા જઈ રહ્યા છીએ, જ્યાં તમે સપ્ટેમ્બર મહિનામાં પરિવાર, મિત્રો અથવા પાર્ટનર સાથે ખૂબ જ આનંદ માણી શકો છો.

ચિત્કુલ

જ્યારે હિમાચલ પ્રદેશની મુલાકાત લેવાની વાત આવે છે, ત્યારે ઘણા લોકો પહેલા શિમલા અથવા કુલ્લુ મનાલીનું નામ લે છે, પરંતુ જો તમે સપ્ટેમ્બર મહિનામાં હિમાચલની મુલાકાત લેવાનું વિચારી રહ્યા છો, તો તમારે ચિત્કુલ પહોંચવું જોઈએ.

ભીડથી દૂર હિમાલયની સુંદર ખીણોમાં સ્થિત ચિત્કુલને એક સુંદર અને શાંતિપૂર્ણ હિલ સ્ટેશન માનવામાં આવે છે. અહીં તમે તમારા પ્રિયજનો સાથે ક્વોલિટી ટાઈમ સ્પેન્ડ કરી શકો છો. ચિત્કુલની સુંદર ખીણોમાં, તમે સાંગલા મેડો, કલ્પા, કામરુ કિલ્લો અને બતસેરી ગામ જેવા અદ્ભુત સ્થળો એક્સપ્લોર કરી શકો છો. તમે અહીં ટ્રેકિંગ અને કેમ્પિંગનો આનંદ માણી શકો છો.

પાર્વતી વેલી

જો તમે હિમાલયની સુંદર ખીણોમાં હાજર કોઈપણ ભવ્ય અને અદ્ભુત વેલી જોવા માંગતા હોવ, તો આ વખતે તમારે કુલ્લુ, કાંગડા, સ્પિતિ અથવા સાંગલા વેલી નહીં, પરંતુ પાર્વતી વેલી પહોંચવું જોઈએ. આ વેલી સ્વર્ગથી ઓછી નથી.

વાદળોથી ઢંકાયેલા પર્વતો, ઘાસના મેદાનો, સરોવરો અને ધોધની વચ્ચે સ્થિત પાર્વતી વેલી, તમારી સફરમાં આકર્ષણ વધારી શકે છે. આ વેલીવિશે કહેવાય છે કે ભગવાન શિવે અહીં લગભગ 3,000 વર્ષ સુધી ધ્યાન કર્યું હતું. તમે અહીંની સુંદર વેલીમાં ટ્રેકિંગ કરી શકો છો. આ સિવાય યાદગાર ફોટો પણ પડાવી શકો છો.

ખજ્જિયાર

હિમાચલ પ્રદેશના ચંબા જિલ્લામાં આવેલું ખજ્જિયાર કોઈ સુંદર ખજાનાથી ઓછું નથી. તે પર્વતોથી ઘેરાયેલું આહલાદક પહાડી સ્થળ છે, જે સપ્ટેમ્બરમાં ઘણા પ્રવાસીઓને આકર્ષે છે. અહીં સ્થિત તળાવ ઘણા પ્રવાસીઓને આકર્ષે છે.

ખજ્જિયારની સુંદરતા એટલી લોકપ્રિય છે કે તેને દેશમાં મિની સ્વિટ્ઝર્લેન્ડ તરીકે પણ ઓળખવામાં આવે છે. સમુદ્ર સપાટીથી 1,920 મીટરની ઉંચાઈ પર સ્થિત, તમે ખજ્જિયાર તળાવ, કાલાટોપ વન્યજીવ અભયારણ્ય, ભગવાન શિવની પ્રતિમા અને હિમાલય વ્યુ પોઈન્ટ જેવા અદભૂત સ્થળો એક્સપ્લોર કરી શકો છો. ખજ્જિયારને હિમાચલનું ટોપ હનીમૂન ડેસ્ટિનેશન પણ માનવામાં આવે છે.

કિન્નૌર

દરિયાઈ સપાટીથી 6 હજાર મીટરથી વધુની ઉંચાઈ પર સ્થિત કિન્નૌર સપ્ટેમ્બર મહિનામાં ફરવા માટેનું સૌથી અદ્ભુત સ્થાન છે. તેને હિમાચલનું સૌથી શાંતિપૂર્ણ પર્યટન કેન્દ્ર પણ માનવામાં આવે છે. તે પ્રકૃતિ પ્રેમીઓ માટે સ્વર્ગ ગણાય છે.

વાદળોથી ઉચ્ચા પર્વતો, ગાઢ જંગલો, વિશાળ દેવદારના વૃક્ષો, તળાવો અને ધોધ કિન્નોરની સુંદરતામાં વધારો કરે છે. કિન્નૌરમાં તમે કલ્પા અને સાંગલા વેલી જેવા અદ્ભુત સ્થળો એક્સપ્લોર કરી શકો છો. તમે કિન્નોરની સુંદર વેલીમાં ટ્રેકિંગ, હાઇકિંગ અને કેમ્પિંગ પણ કરી શકો છો.

આ સ્થળો પમ એક્સપ્લોર કરો

હિમાચલ પ્રદેશમાં બીજી ઘણી અદ્ભુત જગ્યાઓ છે જે તમે સપ્ટેમ્બર મહિનામાં જોઈ શકો છો. તમે ધર્મશાલા, બીર બિલિંગ, મંડી, પાલમપુર અને કસોલ જેવા સ્થળોએ જઈ શકો છો.