Video: જનસમર્થન ગુમાવી ચૂકેલી કોંગ્રેસ હવે શું બહાનું કાઢશે? સુધાંશુ ત્રિવેદીએ દિલ્હીથી લીધી આકરી ઝાટકણી!
દેશના વિવિધ રાજ્યોમાં યોજાયેલી વિધાન પરિષદની ચૂંટણીઓના પરિણામોને લઈને ભારતીય જનતા પાર્ટી (BJP)ના રાષ્ટ્રીય પ્રવક્તા અને રાજ્યસભા સાંસદ સુધાંશુ ત્રિવેદીએ કોંગ્રેસ પર આકરા પ્રહારો કર્યા છે. નવી દિલ્હી ખાતે પત્રકારો સાથે વાતચીત કરતાં તેમણે જણાવ્યું કે વિવિધ રાજ્યોમાં યોજાયેલી વિધાન પરિષદની ચૂંટણીઓમાં કોંગ્રેસ પાર્ટી શૂન્ય પર આવીને ઊભી રહી ગઈ છે.
કોંગ્રેસ દ્વારા ચૂંટણી પ્રક્રિયા અને ઈવીએમ (EVM) પર વારંવાર કરવામાં આવતા આક્ષેપો પર કટાક્ષ કરતાં સુધાંશુ ત્રિવેદીએ સ્પષ્ટતા કરી કે આ ચૂંટણીઓ ઈવીએમથી નહીં, પરંતુ બેલટ બોક્સ અને કાગળના મતપત્રો (Paper Ballots) દ્વારા યોજવામાં આવી હતી. તેમ છતાં મતદારોએ કોંગ્રેસને સંપૂર્ણપણે નકારી કાઢી છે.
તેમણે વધુમાં ઉમેર્યું કે હવે એ સ્પષ્ટ થઈ ગયું છે કે પદ્ધતિ ભલે કોઈ પણ હોય, કોંગ્રેસ કોઈપણ ચૂંટણીમાં જનસમર્થન મેળવવાની ક્ષમતા સંપૂર્ણપણે ગુમાવી ચૂકી છે. લોકોનો વિશ્વાસ ગુમાવી ચૂકેલી પાર્ટી પોતાની નિષ્ફળતાઓ છુપાવવા માત્ર તંત્ર પર દોષારોપણ કરતી રહે છે.
