ઉત્તર પ્રદેશના કાનપુર પોલીસે માદક પદાર્થોની હેરાફેરી સામે મોટી કાર્યવાહી કરતા આશરે ૧૦ કરોડ રૂપિયાની કિંમતનો ગાંજાનો જથ્થો ઝડપી પાડ્યો છે. આ સફળ ઓપરેશન અંગે માહિતી આપતા કાનપુરના જોઈન્ટ કમિશનર સંકલ્પ શર્માએ જણાવ્યું હતું કે, પોલીસને મળેલી ચોક્કસ બાતમીના આધારે આ જથ્થો જપ્ત કરવામાં આવ્યો છે, જે મોટા પ્રમાણમાં સપ્લાય કરવા માટે લાવવામાં આવ્યો હતો. આ કેસમાં સંડોવાયેલા આરોપીઓની ધરપકડ કરીને પોલીસ દ્વારા અત્યારે વધુ ઊંડાણપૂર્વક પૂછપરછ અને તપાસ હાથ ધરવામાં આવી છે, જેથી આ ગેરકાયદેસર નેટવર્કના મુખ્ય સૂત્રધાર સુધી પહોંચી શકાય. કાનપુર પોલીસની આ કામગીરીથી ડ્રગ્સ માફિયાઓમાં ફફડાટ ફેલાયો છે.