VIDEO: નેલ્લોરમાં રોટ્ટેલા પંડુગાનો ભવ્ય પ્રારંભ

આંધ્રપ્રદેશના નેલ્લોરમાં સ્થિત પ્રસિદ્ધ બારા શહીદ દરગાહ ખાતે વાર્ષિક રોટ્ટેલા પંડુગા ઉત્સવના પ્રથમ દિવસે શ્રદ્ધાળુઓનો ભારે ઘસારો જોવા મળ્યો હતો. વિવિધ માનતા પૂરી કરવા માટે હજારોની સંખ્યામાં ભક્તો દરગાહ પર ઉમટી પડ્યા હતા. આ તહેવારમાં લોકો પરંપરા મુજબ રોટલીની અદલાબદલી કરીને પોતાની પ્રાર્થનાઓ અને આકાંક્ષાઓ વ્યક્ત કરે છે. વહીવટી તંત્ર દ્વારા ભક્તોની સુરક્ષા અને સુવિધા માટે ચુસ્ત પોલીસ બંદોબસ્ત ગોઠવવામાં આવ્યો છે. ભીડને નિયંત્રિત કરવા માટે વિશેષ બેરિકેડિંગ અને સ્વયંસેવકોની તૈનાતી કરવામાં આવી છે. ભક્તોમાં આ ઉત્સવ પ્રત્યે અતૂટ આસ્થા જોવા મળી રહી છે, જે સાંપ્રદાયિક સૌહાર્દ અને એકતાનું પ્રતીક બની રહ્યો છે.