VIDEO: જમ્મુ-કાશ્મીરના કુપવાડા જિલ્લામાં આવેલા બદરાહર રાજવારના જંગલોમાં એક ભીષણ આગ ફાટી નીકળી

જમ્મુ-કાશ્મીરના કુપવાડા જિલ્લામાં આવેલા બદરાહર રાજવારના જંગલોમાં એક ભીષણ આગ ફાટી નીકળી છે. શુષ્ક હવામાનના કારણે આગે જોર પકડ્યું છે અને તે ઝડપથી લીલાછમ વનસ્પતિ વિસ્તારમાં ફેલાઈ રહી છે, જેના લીધે વન્યજીવો અને અમૂલ્ય વનરાજીને મોટું નુકસાન થવાની ભીતિ સેવાઈ રહી છે. આગ પર કાબૂ મેળવવા માટે વન વિભાગ ફોરેસ્ટ પ્રોટેક્શન ફોર્સ અને ફાયર એન્ડ ઇમરજન્સી સર્વિસીસની ટીમો દ્વારા સંયુક્ત રીતે મોટા પાયે બચાવ કામગીરી શરૂ કરવામાં આવી છે. વન કર્મચારીઓ અને સ્થાનિક લોકો અત્યંત પ્રતિકૂળ પરિસ્થિતિઓ વચ્ચે પણ આગને આગળ વધતી અટકાવવા માટે રાત-દિવસ ભારે જહેમત ઉઠાવી રહ્યા છે. વન વિભાગ દ્વારા પ્રભાવિત વિસ્તારો પર સતત નજર રાખવામાં આવી રહી છે જેથી આગની તીવ્રતાને વહેલી તકે ડામી શકાય.