Strange/ ચોર ઘરમાં ઘૂસ્યો, કંઈ ન મળ્યું, તો પલંગ પર ઊંઘી રહેલી મહિલાને ચુંબન કરી ભાગી ગયો 

મુંબઈથી એક ચોંકાવનારી ઘટના સામે આવી છે. અહીંના મલાડ, પનાગરિયામાં એક ચોર ફ્લેટની અંદર ચોરી કરવા ગયો હતો, જો કે ઘરની અંદર તેણે એક અજીબ ચોંકાવનારું કૃત્ય કર્યું જેની સોશિયલ મીડિયા પર ચર્ચા થઈ રહી છે. આવો જાણીએ શું છે સમગ્ર મામલો.

ચોર મલાડ, પનાગરિયામાં એક ફ્લેટની અંદર ચોરી કરવા આવ્યો હતો, પરંતુ જ્યારે તેને ઘરની અંદર કોઈ કિંમતી વસ્તુ ન મળી ત્યારે તેણે મહિલાને ચુંબન કર્યું અને ભાગી ગયો. હાલ પોલીસે કેસ નોંધીને આરોપીની ધરપકડ કરી લીધી છે. આ ઘટના 3 જાન્યુઆરીએ મલાડના કુરાર વિસ્તારમાં બની હતી.

પીડિતા ઘરે એકલી હતી

પીડિતાની ફરિયાદ મુજબ, તે ઘરે એકલી હતી ત્યારે આરોપી ઘરમાં ઘૂસી ગયો અને દરવાજો અંદરથી બંધ કરી દીધો. આરોપીએ મહિલાનું મોં દબાવીને રોકડ, મોબાઈલ અને એટીએમ કાર્ડ સહિતની તમામ કિંમતી ચીજવસ્તુઓ આપી દેવા કહ્યું હતું. તેના પર મહિલાએ કહ્યું કે તેના ઘરમાં આવી કોઈ કિંમતી વસ્તુ નથી, આ સાંભળીને આરોપીએ તેને કથિત રીતે કિસ કરી અને ભાગી ગયો.

આ પણ વાંચો : Joining letter લઈને ટેક્સ વિભાગમાં નોકરી માટે પહોંચ્યો યુવક, અધિકારીઓએ બોલાવી પોલીસ, કારણ જાણી ચોંકી જશો

પીડિતા બાદમાં કુરાર પોલીસ સ્ટેશન પહોંચી, જેના પગલે ભારતીય ન્યાય સંહિતા (BNS)ની સંબંધિત કલમો હેઠળ કેસ નોંધવામાં આવ્યો અને આરોપીની ધરપકડ કરવામાં આવી. હાલ મામલાની તપાસ ચાલી રહી છે.