Video: સુપ્રિયા સુલે હોસ્પિટલે પહોંચ્યા, ડોક્ટરોની ટીમ દ્વારા સારવાર અને તપાસ શરૂ.

મહારાષ્ટ્રના દિગ્ગજ નેતા અને રાષ્ટ્રવાદી કોંગ્રેસ પાર્ટીના સુપ્રીમો શરદ પવારની તબિયત બગડતા તેમને મુંબઈની પ્રખ્યાત બ્રીચ કેન્ડી હોસ્પિટલમાં સારવાર અર્થે ખસેડવામાં આવ્યા છે. વરિષ્ઠ નેતાને હોસ્પિટલમાં દાખલ કરવામાં આવ્યા હોવાની જાણ થતાં જ રાજકીય વર્તુળોમાં ચિંતાનું મોજું ફરી વળ્યું છે અને સ્વાસ્થ્ય અંગેની વિગતો મેળવવા માટે આગેવાનો પહોંચી રહ્યા છે. દરમિયાન, તેમના પુત્રી અને સાંસદ સુપ્રિયા સુલે હોસ્પિટલ પરિસરમાંથી બહાર નીકળતા નજરે પડ્યા હતા, જેમના ચહેરા પર ચિંતા સ્પષ્ટ દેખાઈ રહી હતી. ડોક્ટરોની ટીમ દ્વારા શરદ પવારના સ્વાસ્થ્યની ઝીણવટભરી તપાસ અને સારવાર શરૂ કરી દેવામાં આવી છે. પાર્ટીના કાર્યકર્તાઓ અને શુભેચ્છકો તેમના ઝડપથી સ્વસ્થ થવાની કામના કરી રહ્યા છે.