Video: સુપ્રીમ કોર્ટનો ચૂંટણી પંચને મોટો આદેશ: ઉત્તર પ્રદેશમાં મતદાર યાદીમાં 'ફોર્મ 7' દ્વારા નામ કમી કરવાની અનિયમિતતાઓની તપાસ કરવા નિર્દેશ

ઉત્તર પ્રદેશમાં મતદાર યાદીના ડ્રાફ્ટમાંથી નામ દૂર કરવા માટે વપરાતા ફોર્મ 7ની અરજીઓમાં મોટાપાયે ગેરરીતિઓ થયાના આક્ષેપો સામે આવ્યા હતા. ભારતના મુખ્ય ન્યાયાધીશની બેન્ચે અરજદારોને હજુ સુધી ન ઉકેલાયેલી અનિયમિતતાઓની યાદી એક નોંધ સ્વરૂપે ચૂંટણી પંચના વરિષ્ઠ વકીલને સોંપવા જણાવ્યું છે. કોર્ટે સ્પષ્ટ નિર્દેશ આપ્યો છે કે આ નોંધ મળ્યા બાદ ચૂંટણી પંચે તથ્યોની ઝીણવટભરી તપાસ કરવી જોઈએ અને જરૂરી સુધારાત્મક પગલાં લઈને કોર્ટમાં પાલન અહેવાલ રજૂ કરવો પડશે. આ મહત્વપૂર્ણ હસ્તક્ષેપથી આગામી ચૂંટણી પ્રક્રિયામાં પારદર્શિતા જળવાઈ રહેવાની અપેક્ષા વ્યક્ત કરવામાં આવી રહી છે.