Video: નીચાણવાળા વિસ્તારોમાં જળબંબાકાર થયો

ઓડિશાના ગજપતિ જિલ્લામાં પડેલા ધોધમાર વરસાદને કારણે અનેક નીચાણવાળા વિસ્તારોમાં પૂર જેવા હાલાત સર્જાયા છે. સતત વરસી રહેલા આ મુસળધાર વરસાદથી નદી-નાળાઓ ઉભરાઈ રહ્યા છે અને રસ્તાઓ પર પાણી ફરી વળતા જનજીવન અસ્તવ્યસ્ત થઈ ગયું છે. પાણી ભરાઈ જવાના કારણે વાહનવ્યવહાર પર ભારે અસર પડી છે અને ગ્રામીણ વિસ્તારોનો સંપર્ક તૂટી ગયો છે. સ્થાનિક વહીવટી તંત્ર દ્વારા સ્થિતિ પર નજર રાખવામાં આવી રહી છે અને અસરગ્રસ્ત લોકોને સુરક્ષિત સ્થળે ખસેડવા તથા રાહત બચાવ કામગીરી ઝડપી બનાવવામાં આવી છે. આ ભારે જળબંબાકારથી સ્થાનિક રહીશોને ભારે મુશ્કેલીઓનો સામનો કરવો પડી રહ્યો છે.