ચીનના વાયરસ HMPVના ભારતમાં ત્રણ કેસ, ઇમરજન્સી બેઠક બોલાવાઇ
વિશ્વભરમાં કોવિડ-19 મહામારી બાદ HMPV નામના વાયરસનો ચીનમાં કહેર જોવા મળી રહ્યો છે.હવે ભારતમાં પણ ચીનના આ વાયરસના
વિશ્વભરમાં કોવિડ-19 મહામારી બાદ HMPV નામના વાયરસનો ચીનમાં કહેર જોવા મળી રહ્યો છે.હવે ભારતમાં પણ ચીનના આ વાયરસના કેસ સામે આવ્યા છે. ભારતમાં HMPV વાયરસના ત્રણ કેસ સામે આવ્યા છે. બે કર્ણાટક જ્યારે એક કેસ ગુજરાતમાં સામે આવ્યો છે.
કર્ણાટકમાં સામે આવ્યા બે કેસ
બેંગલુરુની એક હોસ્પિટલમાં આઠ મહિનાની બાળકીમાં HMPV વાયરસ મળી આવ્યો છે. આરોગ્ય વિભાગનું કહેવું છે કે અમે અમારી લેબમાં તેનું પરીક્ષણ કર્યું નથી. ખાનગી હોસ્પિટલમાં આ કેસનો રિપોર્ટ આવ્યો છે. ખાનગી હોસ્પિટલના આ અહેવાલ પર શંકા કરવાનું કોઈ કારણ જણાતું નથી.
તમને જણાવી દઈએ કે HMPV સામાન્ય રીતે બાળકોમાં જ જોવા મળે છે. HMPV તમામ ફ્લૂ નમૂનાઓમાં 0.7 ટકા હિસ્સો ધરાવે છે. આ વાયરસનો તાણ શું છે તે હજુ સુધી જાણી શકાયું નથી.
અમદાવાદમાં પણ સામે આવ્યો એક કેસ
ચીનના ખતરનાક વાયરસની ભારતની સાથે ગુજરાતમાં પણ એન્ટ્રી થઈ ચૂકી છે. 2 મહિનાના બાળકનો રિપોર્ટ પોઝીટીવ આવ્યો છે. બાળકને અમદાવાદની ખાનગી હોસ્પિટલમાં દાખલ કરવામાં આવ્યો છે. ખાનગી લેબ માં બાળકો HMVP રિપોર્ટ પોઝિટિવ આવ્યો છે. બાળક મૂળ મોડાસા પાસેના ગામનું છે. અમદાવાદની ખાનગી હોસ્પિટલમાં તેને દાખલ કરવામાં આવ્યો છે. હાલ તેની તબિયત સ્થિર છે. બાળકને શરદી અને તાવના લક્ષણો જોવા મળતા તેને અમદાવાદ લવાયો હતો.
વાયરસના લક્ષણ શું છે?
હ્યુમન મેટાપ્યુમોવાયરસ અથવા HMPV નામનો આ વાયરસ એક એવો વાયરસ છે જેના લક્ષણો સામાન્ય શરદીના લક્ષણો જેવા જ હોય છે. સામાન્ય કિસ્સાઓમાં, તે ઉધરસ, વહેતું નાક અથવા ગળામાં દુખાવાનું કારણ બને છે. નાના બાળકો અને વૃદ્ધોમાં, HMPV સંક્રમણ ગંભીર હોઈ શકે છે. આ વાયરસ નબળી રોગપ્રતિકારક શક્તિ ધરાવતા લોકોમાં ગંભીર બીમારીનું કારણ બની શકે છે. એવું કહેવામાં આવી રહ્યું છે. આ વાયરસથી સંક્રમિત દર્દીઓમાં શ્વાસ લેવામાં તકલીફ અને ફ્લૂ જેવા લક્ષણો જોવા મળે છે.
