'તમે કોણ અને કેવા છો તેનો નિર્ણય લોકો કરે છે', મણિપુર મુદ્દે RSS વડા મોહન ભાગવતે કહી આ વાત 

RSS વડા મોહન ભાગવતે શંકર દિનકર કાણેની શતાબ્દી નિમિત્તે આયોજિત એક કાર્યક્રમમાં બોલતા કહ્યું હતું કે, પોતાના કામમાં ઉત્કૃષ્ટ દેખાવ કરનાર વ્યક્તિને ભગવાન માનવા કે નહીં તે પોતે નક્કી ના કરી શકે પરંતુ લોકો નક્કી કરે છે. શંકર દિનકરે 1971 સુધી મણિપુરમાં બાળકોના શિક્ષણ પર ધ્યાન કેન્દ્રિત કરીને કામ કર્યું. વિદ્યાર્થીઓને મહારાષ્ટ્ર લાવીને તેમના રહેવાની વ્યવસ્થા કરી.   મોહન ભાગવતે કેનનાં કામને યાદ કરતાં કહ્યું, "આપણે આપણા જીવનમાં બને તેટલું સારું કામ કરવાનો પ્રયાસ કરવો જોઈએ. કોઈ એવું નથી કહેતું કે આપણે ચમકવું નહીં કે અલગ ના દેખાવું. કાર્યના માધ્યમથી દરેક વ્યક્તિ આદરણીય વ્યક્તિ બની શકે છે, પરંતુ આપણે તે સ્તરે પહોંચ્યા છીએ કે નહીં તે અન્ય લોકો નક્કી કરશે, આપણે નહીં.   મણિપુરની સ્થિતિનો ઉલ્લેખ કરતા આરએસએસના વડાએ ચિંતા વ્યક્ત કરતા કહ્યું કે, સંઘના સ્વયંસેવકોએ ન તો મણિપુર છોડ્યું છે કે ના તેઓ નિષ્ક્રિય થઈને બેઠા છે. તેઓ સામાન્ય સ્થિતિ પુનઃસ્થાપિત કરવા અને રાષ્ટ્રીય એકતાની ભાવનાને પ્રોત્સાહન આપવા માટે બે જૂથો વચ્ચેના તણાવને ઘટાડવા સક્રિયપણે કામ કરી રહ્યા છે.   મણિપુરમાં સુરક્ષાની કોઈ ગેરંટી નથી. સ્થાનિક લોકો તેમની સુરક્ષાને લઈને ડરતા હોય છે. જે લોકો ત્યાં વેપાર અથવા સામાજિક કાર્ય માટે ગયા છે તેઓની પરિસ્થિતિ વધુ પડકારજનક છે, પરંતુ આવા સંજોગોમાં પણ RSS સ્વયંસેવકો મજબૂત રીતે તૈનાત છે.બંને જૂથોની સેવા કરીને પરિસ્થિતિને શાંત કરવાનો પ્રયાસ કરી રહ્યા છે.