VIDEO: અમરનાથજી યાત્રાના શ્રદ્ધાળુઓની સુરક્ષા અને ભીડના વ્યવસ્થાપન માટે યાત્રીઓ માટે આરએફઆઈડી કાર્ડ ઈસ્યુ કરવામાં આવ્યા

જમ્મુમાં શ્રી અમરનાથજી યાત્રાના શ્રદ્ધાળુઓની સુરક્ષા અને ભીડના વ્યવસ્થાપન માટે પ્રશાસન દ્વારા મહત્વનું પગલું ભરવામાં આવ્યું છે. આ વર્ષે તમામ યાત્રીઓ માટે આરએફઆઈડી કાર્ડ ઈસ્યુ કરવામાં આવ્યા છે. જમ્મુના બેઝ કેમ્પ પરથી સામે આવેલા દ્રશ્યોમાં સુરક્ષાકર્મીઓ શ્રદ્ધાળુઓને આ વિશેષ કાર્ડનું વિતરણ અને ચેકિંગ કરતા જોવા મળી રહ્યા છે. આ ટેક્નોલોજી આધારિત કાર્ડની મદદથી દરેક યાત્રીના લોકેશનને ટ્રેક કરી શકાશે, જે કોઈપણ કટોકટીની સ્થિતિમાં કે ભીડ નિયંત્રણમાં ખૂબ જ ઉપયોગી સાબિત થશે. યાત્રાને સુરક્ષિત અને સુગમ બનાવવા માટે સેના અને સ્થાનિક પોલીસ દ્વારા ચુસ્ત સુરક્ષા વ્યવસ્થા ગોઠવવામાં આવી છે.