બોરવેલમાં ફસાયેલી ચેતનાને બચાવવા માટે હવે રેટ માઈનિંગનો સહારો, ગઈકાલથી ચાલી રહ્યું રેસ્ક્યૂ

રાજસ્થાનઃ  ચેતના નામની બાળકી સોમવારે તેના પિતાના ખેતરમાં રમતી વખતે બોરવેલમાં પડી ગઈ હતી. બાળકીને બચાવવા માટે સ્થાનિક જુગાડ નિષ્ફળ જતાં પાઈલિંગ મશીનની મદદ લેવામાં આવી હતી, પરંતુ આ પ્લાન પણ નિષ્ફળ ગયો હતો. રેતાળ જગ્યાને કારણે, વધુ પડતી ખોદકામને કારણે બોરવેલ પાસે માટી ધસી પડવાનો ભય ઉભો થયો હતો. રાજસ્થાનના કોટપુતલી-બેહરોર જિલ્લામાં 150 ફૂટ ઊંડા બોરવેલમાં પડી ગયેલી ત્રણ વર્ષની બાળકીને બચાવવાના પ્રયાસો મંગળવારે ચાલુ રહ્યા છે.

આ પછી, NDRF એ ફરીથી છત્રી તકનીકનો આશરો લેવાનું શરૂ કર્યું છે. પ્રશાસનનું કહેવું છે કે આશા છે કે આ ટેકનિકથી બાળકીને જલ્દી બચાવી લેવામાં આવશે. રેસ્ક્યુ ટીમ ત્રણ સળિયાની મદદથી નીચે એક આધાર બનાવીને બાળકીને ઉપર ખેંચવાનો પ્રયાસ કરી રહી છે. ઉપરાંત અન્ય સ્થળે પણ પાઇલીંગનું કામ ફરી શરૂ કરવામાં આવ્યું છે. બોરવેલમાં ફસાયેલી ચેતનાને બચાવવા માટે હવે રેટ માઈનિંગનો પણ સહારો લેવામાં આવી રહ્યો છે.

ગ્રામજનોએ પ્રશાસન પર આરોપ લગાવ્યો

મળતી માહિતી મુજબ, બોરવેલમાં લાગેલા કેમેરામાં બાળકી દેખાતી બંધ થઈ ગઈ છે. હવે ફરીથી જેસીબી વડે ખોદકામ શરૂ કરાયું છે. હવે પાઇલીંગ મશીન લગાવીને નવેસરથી ખોદકામ કરવામાં આવી રહ્યું છે. બાળકી કેટલાય કલાકોથી ખોરાક અને પાણી વિના બોરવેલમાં ફસાયેલી છે. કેમેરા દેખાતો ન હોવાને કારણે બાળકીની હાલની સ્થિતિ જાણી શકાઈ નથી.

ગ્રામજનોએ વહીવટીતંત્ર પર બચાવમાં વિલંબ અને શિથિલતાનો આરોપ લગાવ્યો અને કહ્યું કે અધિકારીઓએ શરૂઆતથી જ આ બાબતમાં ગંભીરતા દાખવી ન હતી અને નિષ્ણાતો વિના દેશી રીતે કામ કરતા રહ્યા હતા. જ્યારે દેશી જુગાડ નિષ્ફળ ગયો, ત્યારે એક દિવસ પછી પાઈલિંગ મશીન મંગાવવામાં આવ્યું.

માસૂમના પિતાએ બોરવેલ ખોદ્યો હતો

માસૂમના પિતા ભૂપેન્દ્રએ બદ્યાલી ધાની સ્થિત તેમના ઘરની બહાર બોરવેલ ખોદ્યો હતો. જ્યારે 700 ફૂટ સુધી ખોદકામ કરીને પણ પાણી ન મળતા તેને ઢાંકવાને બદલે ખુલ્લું છોડી દેવામાં આવ્યું હતું. સોમવારે બપોરે 1.30 વાગ્યાની આસપાસ તેની બે પુત્રીઓ ત્રણ વર્ષની ચેતના અને આઠ વર્ષની કાવ્યા બોરવેલ પાસે રમી રહી હતી, તે દરમિયાન બોરવેલ પાસે ચેતનાનો પગ લપસી ગયો હતો.

લગભગ 15 દિવસ પહેલા રાજસ્થાનના દૌસામાં બોરવેલમાં પડી જવાથી આર્યનનું મોત થયા બાદ રાજ્ય સરકારે બોરવેલ બંધ કરવાની સલાહ આપી હતી તેમ છતાં આ બોરવેલ ખુલ્લો હતો અને આ બોરવેલ ખોદનાર વ્યક્તિની પુત્રી તેમાં ફસાઈ ગઈ હતી.

રાજસ્થાનમાં 7 વર્ષમાં 47 બાળકોના મોત થયા છે

રાજસ્થાનમાં ડિઝાસ્ટર મેનેજમેન્ટના આંકડા મુજબ છેલ્લા 7 વર્ષમાં 47 બાળકો બોરવેલમાં પડી જવાથી મૃત્યુ પામ્યા છે. 2018માં 15, 2019માં 5, 2020માં 18, 2021માં 6 અને 2024માં બે બાળકોના મોત થયા હતા.