પ્રિયંકા ગાંધીની સંસદમાં એન્ટ્રી, વાયનાડ લોકસભા પેટાચૂંટણીમાં જીત

વાયનાડ લોકસભા પેટાચૂંટણી 2024: પ્રિયંકા ગાંધીએ વાયનાડ લોકસભા પેટાચૂંટણી 2024 જીતી લીધી છે. તેમની જીત પર પતિ રોબર્ટ વાડ્રાની પ્રતિક્રિયા સામે આવી છે. મીડિયા સાથે વાતચીત દરમિયાન તેમણે મોટો દાવો પણ કર્યો છે.

આખરે પ્રિયંકા ગાંધીએ પણ રાજકારણમાં પ્રવેશ કર્યો. અત્યાર સુધી તે માત્ર કોંગ્રેસનો ચૂંટણી પ્રચાર સંભાળતી હતી, પરંતુ હવે તે લોકસભામાં કોંગ્રેસનું પ્રતિનિધિત્વ પણ કરશે. પ્રિયંકા ગાંધીએ વાયનાડ લોકસભા પેટાચૂંટણી 2024 પ્રચંડ બહુમતી સાથે જીતી લીધી છે. રાહુલ ગાંધીએ સીટ છોડ્યા બાદ તેઓ વાયનાડથી આ ચૂંટણી લડ્યા હતા.

રાહુલ ગાંધીએ લોકસભા ચૂંટણી 2024માં આ સીટ જીતી હતી, પરંતુ તેમણે રાયબરેલી સીટ જાળવીને વાયનાડ સીટ છોડી દીધી હતી. હવે પ્રિયંકા ગાંધી વાયનાડથી સાંસદ છે ત્યારે કોંગ્રેસમાં જીતની ઉજવણી કરવામાં આવી રહી છે. 

આ વર્ષની લોકસભા ચૂંટણીમાં રાહુલ ગાંધીએ વાયનાડ સીટ પર 3.65 લાખ વોટથી જીત મેળવી હતી. હવે પ્રિયંકાએ તે માર્જિનને પાછળ છોડી દીધું છે અને મોટી લીડ મેળવી છે.

તમને જણાવી દઈએ કે વર્ષ 2019માં રાહુલ ગાંધી કેરળના વાયનાડ અને યુપીની અમેઠી સીટથી લોકસભા ચૂંટણી લડ્યા હતા, જેમાં તેમને અમેઠીમાં હારનો સામનો કરવો પડ્યો હતો. ત્યારબાદ રાહુલે વાયનાડમાં મોટી જીત મેળવી હતી. તે વખતે તેમણે વાયનાડ ચૂંટણીમાં 431770 મતોથી જીત મેળવી હતી. તેવી જ રીતે, 2024ની લોકસભા ચૂંટણીમાં પણ રાહુલ રાયબરેલી અને વાયનાડ બેઠક પરથી ચૂંટણી લડ્યા હતા. બંને બેઠકો જીત્યા બાદ તેમણે વાયનાડ બેઠક છોડી દીધી હતી. અહીં તેમનું માર્જિન ઘટીને 364422 થઈ ગયું હતું. પાર્ટીએ પેટાચૂંટણીમાં પ્રિયંકા ગાંધીને વાયનાડથી પોતાના ઉમેદવાર બનાવ્યા અને હવે પરિણામો અનુસાર, પ્રિયંકા ગાંધીની મોટી જીત થઇ છે.