NHAI એ દેશના તમામ હાઈવે પર ટોલ ટેક્સ વધાર્યો, ચૂકવવા પડશે વધુ નાણાં

સામાન્ય માણસ મોંઘવારીથી ત્રસ્ત છે. હવે હાઈવે પર મુસાફરી કરનારાઓના ખિસ્સા વધુ ઢીલા થશે. નેશનલ હાઈવે ઓથોરિટી ઓફ ઈન્ડિયા (NHAI) એ સમગ્ર દેશમાં ટોલના દરમાં વધારો કર્યો છે. NHAI એ ટોલ રેટમાં 5 ટકાનો વધારો કરવાનો નિર્ણય લીધો છે. હવે હાઇવે પર મુસાફરી કરનારાઓએ સોમવારથી વધુ પૈસા ચૂકવવા પડશે. હાઇવે યુઝર ફીના વાર્ષિક રિવિઝનનો અમલ અગાઉ 1 એપ્રિલથી કરવામાં આવનાર હતો. પરંતુ લોકસભાની ચૂંટણીને કારણે વધારો મોકૂફ રાખવામાં આવ્યો હતો. વાર્ષિક રિવિઝન સરેરાશ પાંચ ટકાની રેન્જમાં હોવાની શક્યતા છે.

• NHAIએ ટોલ દરમાં 5 ટકાનો વધારો કર્યો છે
  હવે હાઈવે પર મુસાફરી કરનારાઓના ખિસ્સા વધુ ઢીલા થઈ જશે.
  ટોલ દરમાં આ વધારો એપ્રિલ મહિનામાં થવાનો હતો

નવા ટોલ શુલ્ક 3 જૂન, 2024 થી લાગુ થશે

એક વરિષ્ઠ NHAI અધિકારીએ રવિવારે જણાવ્યું હતું. ટોલ ચાર્જિસમાં આ ફેરફાર જથ્થાબંધ ભાવ સૂચકાંક (CPI) આધારિત ફુગાવાના ફેરફારો સાથે જોડાયેલા દરોમાં સુધારો કરવાની વાર્ષિક પ્રક્રિયાનો એક ભાગ છે. નેશનલ હાઈવે નેટવર્ક પર લગભગ 855 યુઝર ફી પ્લાઝા છે, જેના પર નેશનલ હાઈવે ફી (દર અને કલેક્શનનું નિર્ધારણ) નિયમો, 2008 મુજબ યુઝર ચાર્જ વસૂલવામાં આવે છે.

ટોલના દરમાં આ વધારાની સીધી અસર સામાન્ય માણસના ખિસ્સા પર પડશે. જૂન શરૂ થતાં જ લોકોને મોંઘવારીનો આંચકો લાગ્યો હતો. ટોલ દરમાં આ વધારો લોકસભાની ચૂંટણીને કારણે મોડો કરવામાં આવ્યો છે. અગાઉ ટોલ દરમાં આ વધારો એપ્રિલમાં થવાનો હતો.