જમ્મુ પોલીસે 33 કરોડ રૂપિયાથી વધુની કિંમતનું હેરોઈન ડ્રગ્સ કર્યું જપ્ત

જમ્મુ પોલીસે બસ સ્ટેન્ડ વિસ્તારમાં હરમીત સિંહ પાસેથી 33 કરોડ રૂપિયાથી વધુની કિંમતનો 33 કિલો હેરોઈન જેવો ડ્રગ્સ જપ્ત કર્યો છે. પોલીસે એક ખાસ નાકાબંધી ગોઠવી અને 26 પેકેટ સાથે શંકાસ્પદ યુવકનેને પકડ્યો છે. સમગ્ર મામલે FIR નોંધવામાં આવી છે અને પોલીસે વધુ તપાસ હાથ ધરી છે.

X પર જુઓ

જમ્મુ પોલીસે જમ્મુ બસ સ્ટેન્ડ વિસ્તારમાંથી લગભગ 33 કરોડ રૂપિયાનું ડ્રગ્સ જપ્ત કર્યું છે. જમ્મુ બસ સ્ટેન્ડને બાતમી મળી હતી કે સરહદી વિસ્તારમાંથી 2 શંકાસ્પદ વ્યક્તિ ભારે બેગ લઈને બસ સ્ટેન્ડ તરફ આવી રહ્યા છે.

એડીજીપી જમ્મુ આનંદ જૈને જણાવ્યું હતું કે અમે વિસ્તારને કોર્ડન કરીને શોધખોળ કરી હતી. ADGP જૈને જણાવ્યું હતું કે, "એક વ્યક્તિની ધરપકડ કરવામાં આવી હતી અને બેગની તલાશી લેવામાં આવી હતી, જેમાં આશરે રૂ. 33 કરોડ કે તેથી વધુની કિંમતનું હેરોઈન મળી આવ્યું હતું."

ADGP જૈને જણાવ્યું હતું કે, "તે લગભગ 33 કિલો વજનનું ઉચ્ચ ગુણવત્તાનું હેરોઈન હતું." તેમણે કહ્યું કે આ મામલાની તપાસ કરવામાં આવી રહી છે. શુક્રવારે જારી કરાયેલા એક સત્તાવાર નિવેદનમાં કહેવામાં આવ્યું છે કે જમ્મુ પોલીસ સ્ટેશન બસ સ્ટેન્ડને આજે વિશ્વસનીય માહિતી મળી હતી કે પંજાબનો રહેવાસી હરમીત સિંહ અખનૂરથી હેરોઈન જેવા પદાર્થની વિશાળ ખેપ લઈને બસ સ્ટેન્ડ તરફ આવી રહ્યો છે.

નિવેદનમાં કહેવામાં આવ્યું છે કે, " પોલીસ દ્વારા એક વિશેષ નાકા ગોઠવવામાં આવ્યો હતો અને શંકાસ્પદને સમજદારીપૂર્વક અંદાજે 33 કિલો વજનના હેરોઈન પદાર્થના 26 પેકેટ સાથેની બેગ સાથે પકડવામાં આવ્યો હતો. આ સંબંધમાં, પીએસ બસ સ્ટેન્ડ પર કલમ ​​8,21,22 એનડીપીએસ એક્ટ હેઠળ એફઆઈઆર 41/2024 નોંધવામાં આવી છે.