જમ્મુ કાશ્મીર: રિયાસીના શિકારી વિસ્તારમાં આતંકીઓ અને સુરક્ષાદળો વચ્ચે એન્કાઉન્ટર

જમ્મુ કાશ્મીર: રિયાસીના શિકારી વિસ્તારમાં આતંકવાદીઓ અને સુરક્ષાદળો વચ્ચે એન્કાઉન્ટર શરૂ થયું છે. અધિકારીઓએ શુક્રવારે કહ્યું કે રિયાસી જિલ્લાના શિકારી વિસ્તાર પાસે આતંકવાદીઓ અને સુરક્ષા દળો વચ્ચે અથડામણ શરૂ થઈ છે.

એક પોલીસ અધિકારીએ જણાવ્યું કે આતંકવાદીઓએ શિકારી વિસ્તારમાં સુરક્ષા દળોની સર્ચ ઓપરેશનની ટીમ પર ગોળીબાર કર્યો. અધિકારીએ કહ્યું, "જેમ જ સૈનિકો શંકાસ્પદ સ્થળની નજીક પહોંચ્યા, તેમના પર ભારે ગોળીબાર શરૂ થયો, જેનો અસરકારક જવાબ આપવામાં આવ્યો" તેમણે એ પણ કહ્યું કે માનવામાં આવે છે કે આ વિસ્તારમાં બેથી ત્રણ આતંકીઓ હોવાનું માનવામાં આવે છે. આતંકવાદીઓ ભાગી ન જાય તે માટે વધારાના સુરક્ષા દળોને બોલાવવામાં આવ્યા છે. સમગ્ર વિસ્તારને કોર્ડન કરવામાં આવ્યો છે."