શરમજનક કિસ્સો: મહિલાને દારૂ પીવડાવવા માટે મજબૂર કરી રોડ પર બળાત્કાર, વીડિયો વાયરલ

મધ્યપ્રદેશના ઉજ્જૈનમાં એક શરમજનક કિસ્સો સામે આવ્યો છે. અહીં રોડ પર એક મહિલા પર બળાત્કારની ઘટનાનો વીડિયો સામે આવ્યો છે. આરોપીની ધરપકડ કરવામાં આવી છે.

રોડની સાઈડમાં બળાત્કારનો વીડિયો સોશિયલ મીડિયા પર વાયરલ થયા બાદ મધ્યપ્રદેશના ઉજ્જૈનમાં ખળભળાટ મચી ગયો હતો. આ વીડિયો બુધવાર સાંજનો હોવાનું કહેવાય છે. વાયરલ વીડિયોમાં એક યુવક મહિલા સાથે અશ્લીલ હરકતો કરતો જોવા મળી રહ્યો છે. આ ઘટનાનો વીડિયો સામે આવ્યા બાદ પોલીસ એક્શનમાં આવી છે અને આરોપીની ધરપકડ કરવામાં આવી છે.

આ ઘટના બાદ પોલીસે વિગતવાર માહિતી આપી છે. પોલીસનું કહેવું છે કે યુવકે યુવતીને લગ્નનું વચન આપીને દારૂ પીવડાવ્યો અને પછી તેના પર બળાત્કાર ગુજાર્યો અને પછી તેને ધમકી આપીને ભાગી ગયો. વીડિયો સામે આવ્યા બાદ પીડિત મહિલાને પોલીસ સ્ટેશન લાવવામાં આવી હતી, જ્યાં પોલીસે ફરિયાદ પર તાત્કાલિક કાર્યવાહી કરી આરોપી યુવકને કસ્ટડીમાં લીધો હતો.

પીડિત મહિલાએ જણાવ્યું કે યુવક તેને દારૂની દુકાન પાસે મળ્યો હતો અને તેને લગ્નની લાલચ આપી હતી, પછી તેની સાથે બળાત્કાર કર્યો હતો અને તેને ધમકી આપીને ભાગી ગયો હતો. મહિલાનું નિવેદન નોંધવામાં આવ્યું હતું અને તેને મેડિકલ તપાસ માટે હોસ્પિટલમાં મોકલવામાં આવી હતી.

આ ઘટના અંગે કોતવાલીના સીએસપી ઓમપ્રકાશ મિશ્રાએ કહ્યું કે, ઉજ્જૈનના કોયલા ફાટકની દારૂની દુકાન પાસે રેપની ઘટનાનો વીડિયો મળ્યો છે. આ વિડીયોની નોંધ લેતા મહિલાને પોલીસ સ્ટેશનમાં લાવવામાં આવી હતી અને મહિલાની ફરિયાદના આધારે તાત્કાલિક કાર્યવાહી કરવામાં આવી હતી અને આરોપીની અટકાયત કરવામાં આવી હતી. પોલીસે જણાવ્યું હતું કે આરોપીએ મહિલાને દારૂ પીવડાવ્યો હતો અને લગ્નની લાલચ આપી હતી અને કહ્યું હતું કે તે હંમેશા તેની સાથે રહેશે. પરંતુ બળાત્કાર બાદ યુવક તેને ધમકી આપીને ત્યાંથી ભાગી ગયો હતો. તેમણે કહ્યું કે આ ખૂબ જ ગંભીર ઘટના છે. પીડિતાની ફરિયાદ બાદ આરોપીની ધરપકડ કરવામાં આવી છે.