લગ્નમાંથી પરત ફરી રહેલી કાર ઝાડ સાથે અથડાયા બાદ ખાડામાં ખાબકી, 6નાં મોત અને 5 ઘાયલ

ઉત્તર પ્રદેશના પીલીભીત જિલ્લામાં એક ભયાનક માર્ગ અકસ્માત થયો છે. લગ્નની રિસેપ્શન પાર્ટીમાં હાજરી આપવા માટે ઉત્તરાખંડના ખાતિમાથી પીલીભીત આવેલા કન્યા પક્ષના 11 લોકો પરત ફરતી વખતે માર્ગ અકસ્માતનો ભોગ બન્યા હતા. રિસેપ્શન પરથી પરત ફરતી વખતે પીલીભીત ટનકપુર હાઈવેના નુરિયા નગર પાસે ફૂલ સ્પીડે જય રહેલી કાર કાબૂ બહાર નીકળી ગઈ અને એક ઝાડ સાથે અથડાઈ અને પછી ખાડામાં પડી.

અકસ્માતમાં 6ના મોત થયા હતા

ટક્કર એટલી જોરદાર હતી કે અકસ્માતમાં કારના ટુકડા થઈ ગયા હતા. અત્યાર સુધીમાં 6 લોકોના મોત થયા છે, જ્યારે 5 લોકો ગંભીર રીતે ઘાયલ છે. તમામ ઇજાગ્રસ્તોને સારવાર માટે જિલ્લા હોસ્પિટલમાં મોકલવામાં આવ્યા હતા, જ્યાંથી તેમની હાલત નાજુક હોવાથી તેમને બરેલી હાયર સેન્ટરમાં રિફર કરવામાં આવ્યા હતા.

કાર ખાડામાં પડી

ઉત્તરાખંડના ખાતિમા જિલ્લાની એક યુવતીના લગ્ન પીલીભીતના ચંદોઈ શહેરમાં હતા. ગુરુવારે તેની રિસેપ્શન પાર્ટી હતી. લગ્નમાં હાજરી આપવા માટે કન્યા પક્ષના 11 લોકો ખાતિમાથી કારમાં આવ્યા હતા. અને મોદી રાત્રે પોતાના ઘરે પરત જય રહ્યા હતા. ત્યારે  પીલીભીત ટનકપુર હાઇવે પર ન્યુરિયા નગર પાસે તેમની કાર એક ઝાડ સાથે અથડાઈ હતી. ટક્કર એટલી જોરદાર હતી કે કાર લપસીને ખાડામાં પડી હતી. અકસ્માત બાદ કારના ટુકડા થઈ ગયા હતા.

ઘાયલો અને મૃતકોને કારમાંથી બહાર કાઢવામાં આવ્યા હતા.

કારમાં સવાર લોકો તેમાં ફસાઇ ગયા હતા. ટક્કરનો અવાજ સાંભળીને આસપાસના લોકો ઘટના સ્થળે પહોંચી ગયા હતા. બનાવ અંગે તેણે પોલીસને જાણ કરી હતી. આ પછી, પોલીસ સ્થાનિક લોકોની મદદથી ઘટનાસ્થળે પહોંચી અને તમામ ઘાયલોને કારમાંથી બહાર કાઢ્યા.