લો બોલો! ઠંડીમાં ઠુઠવાઈને વરરાજા લગ્નમંડપમાં જ પડી ગયા, કન્યાએ જાન પાછી કાઢી, જાણો કેમ

ઝારખંડના દેવઘર બાબા એટલે કે બૈદ્યનાથના શહેરમાં થતા લગ્નોની દેશ-વિદેશમાં ચર્ચા થાય છે, કારણ કે વિશ્વ પ્રસિદ્ધ દ્વાદશ જ્યોતિર્લિંગ બાબા બૈદ્યનાથ ધામમાં અનેક લગ્નો થાય છે જે ચર્ચાનો વિષય બને છે. તાજેતરમાં જ બિહારના એક વર અને સાત સમંદર પાર ઈંગ્લેન્ડથી આવેલી કન્યાએ બાબા નગરીમાં લગ્ન કર્યા હતા, જ્યારે વિદેશથી આવેલા વર અને ભારતની કન્યાએ પણ અહીં લગ્ન કર્યા છે. પરંતુ આજે અમે એવા લગ્ન વિશે જણાવી રહ્યા છીએ જેમાં વરમાળા તો પહેરાવી પરંતુ સાત ફેરા ન થઈ શક્યા.

આ પણ વાંચો: પતિ પણ માંગી શકે છે ખાધા ખોરાકી, બાળકથી માંડી સંપત્તિ સુધી પુરુષો પાસે છે આ ખાસ અધિકાર

દેવઘર જિલ્લાના મોહનપુર બ્લોક વિસ્તારમાં સ્થિત ઘોરમારામાં કડકડતી ઠંડી વચ્ચે એક યુવકને લગ્ન કરવા મોંઘા પડ્યા. ઠંડીને કારણે, લગ્ન થાય તે પહેલા જ તૂટી ગયા. વરરાજાનો પક્ષ ઘોરમારાના સ્થાનિક રહેવાસી હતા. અર્ણવ નામના છોકરાના લગ્ન અંકિતા નામની છોકરી સાથે થવાના હતા. બંને પક્ષની સંમતિથી લગ્ન એક ખાનગી ગાર્ડન કેમ્પસમાં થઈ રહ્યા હતા. બધું બરાબરથી ચાલતું હતું. સમયની સાથે તમામ વિધિઓ પૂર્ણ થઈ રહી હતી.

ખુલ્લા આકાશ નીચે હતો લગ્નમંડપ

સૌપ્રથમ તો બંને પક્ષે બેઠકનો કાર્યક્રમ હતો. ત્યારબાદ ખુલ્લા આકાશ નીચે સ્ટેજ વરમાળાનો કાર્યક્રમ યોજાયો હતો. પછી બધા લગ્નમંડપમાં પહોંચ્યા. લગ્નમંડપ પણ ખુલ્લા આકાશ નીચે બનાવવામાં આવ્યો હતો.

અચનાક બેભાન થયો વર

વરમાળા અને ભોજન બાદ વર પણ મંડપમાં બેઠો હતો. પંડિતે લગ્નની વિધિ શરૂ કરી. દરમિયાન વર ધ્રુજતા-ધ્રુજતા અચનાક બેભાન થઈ ગયો હતો. તેનું શરીર ઠંડુ પડી ગયું. પરિવારના સભ્યો તેને રૂમમાં લઈ ગયા અને તેના હાથ-પગ ઘસવા લાગ્યા.

કન્યાએ ફેરા ફરવાની ના પાડી

આ દરમિયાન સ્થાનિક ડોક્ટરને પણ બોલાવવામાં આવ્યા હતા. વરને ઠંડીથી રાહત આપવા માટે સલાઈન અને ઈન્જેક્શન આપવામાં આવ્યા હતા. લગભગ એકથી દોઢ કલાક બાદ તેની હાલત સામાન્ય થઈ ગઈ હતી. તે ફરીથી મંડપમાં બેસવા તૈયાર હતો, પરંતુ કન્યાએ ફેરા ફરવાની સ્પષ્ટ ના પાડી દીધી.

કન્યાએ કહ્યું કે છોકરાને કોઈ બીમારી છે, તેથી તે તેની સાથે લગ્ન નહીં કરે. કન્યાની શંકા વધી કારણ કે સામાન્ય રીતે વર જાન લઈને કન્યાના ઘરે લઈ જાય છે, પરંતુ આ લગ્નમાં કન્યા પક્ષને વરના ઘરે બોલાવવામાં આવ્યો હતો અને લગ્ન ખાનગી બગીચામાં કરવામાં આવી રહ્યા હતા. બંને પક્ષો વચ્ચે વિવાદ વધી ગયો હતો અને તેમાં જ સવારના 5 વાગી ગયા હતા.

પોલીસે બંને પક્ષોને સમજાવ્યા

આ અંગે મોહનપુર પોલીસ સ્ટેશનને જાણ કરવામાં આવી હતી. આ અંગેની માહિતી મળતાં જ મોહનપુર પોલીસ સ્ટેશનના ઈન્ચાર્જ પ્રિયરંજન કુમાર પોતાની ટીમ સાથે ત્યાં પહોંચ્યા હતા. પોલીસે બંને પક્ષોને સમજાવ્યા, પરંતુ સમજૂતી ન થઈ. સવારે 8 વાગ્યા સુધી સમજુતી ન થતાં આખરે વર પક્ષની જાન સાથે પરત ફર્યો હતો. કન્યા પક્ષ ભાગલપુર (બિહાર) માં તેમના ઘરે પરત ફર્યો.

પોલીસ સ્ટેશનના પ્રભારી પ્રિયરંજન કુમારે જણાવ્યું કે લગ્ન એક ખાનગી ગાર્ડન કેમ્પસમાં થઈ રહ્યા હતા. ખુલ્લા આકાશમાં તોરણો અને મંડપ બાંધવામાં આવ્યા હતા. લગ્નમંડપમાં જ વર બેહોશ થઈ ગયો હતો. કેમ્પસમાં જ એક રૂમમાં સારવાર બાદ વર સામાન્ય થઈ ગયો હતો. વર ફરીથી લગ્નમંડપમાં બેઠો કે તરત જ કન્યાએ લગ્ન કરવાની ના પાડી દીધી. બંને પક્ષોની સંમતિથી લગ્ન રદ્દ કરવામાં આવ્યા હતા. બંને પક્ષ પોતપોતાના ઘરે પરત ફર્યા હતા.