બોમ્બે સ્ટોક એક્સચેન્જને મળી બોમ્બથી ઉડાવી દેવાની ધમકી, ઈમેઈલમાં લખ્યું- બિલ્ડિંગમાં ચાર RDX...
મુંબઈના બાંદ્રા-કુર્લા કોમ્પ્લેક્સમાં સ્થિત બોમ્બે સ્ટોક એક્સચેન્જ (BSE) ને મંગળવારે સવારે એક ધમકીભર્યો ઈમેલ મળ્ય
મુંબઈના બાંદ્રા-કુર્લા કોમ્પ્લેક્સમાં સ્થિત બોમ્બે સ્ટોક એક્સચેન્જ (BSE) ને મંગળવારે સવારે એક ધમકીભર્યો ઈમેલ મળ્યો, જેમાં દાવો કરવામાં આવ્યો હતો કે તેની બિલ્ડિંગમાં ચાર RDX IED બોમ્બ લગાવવામાં આવ્યા છે, જે બપોરે 3 વાગ્યે ફૂટી શકે છે. આ ઈમેઈલ 'કોમરેડ પિનરાયી વિજયન' ના નામથી મોકલવામાં આવ્યો હતો, જેના કારણે સુરક્ષા એજન્સીઓ તાત્કાલિક એક્શનમાં આવી ગઈ.
આ ઈમેઈલ મળતાની સાથે જ, BSEએ તાત્કાલિક પોલીસને જાણ કરી. બોમ્બ સ્ક્વોડ અને સ્થાનિક પોલીસ ટીમો ઘટનાસ્થળે પહોંચી ગઈ અને આખી બિલ્ડીંગની તપાસ કરવામાં આવી. રાહતની વાત એ હતી કે તપાસ દરમિયાન કોઈ શંકાસ્પદ વસ્તુ નહતી મળી. મુંબઈ પોલીસે કહ્યું કે બધું સુરક્ષિત છે, પરંતુ સાવધાની રાખવામાં આવી રહી છે.
માતારેમ્બાઈ આંબેડકર માર્ગ પોલીસ સ્ટેશનમાં કેસ નોંધાયો, તપાસ ચાલુ
મુંબઈના માતારેમ્બાઈ આંબેડકર માર્ગ પોલીસ સ્ટેશનમાં એક અજાણ્યા વ્યક્તિ વિરુદ્ધ કેસ નોંધવામાં આવ્યો છે. તેના પર ભારતીય દંડ સંહિતા (IPC) ની ચાર કલમો - 351(1)(b), 353(2), 351(3) અને 351(4) હેઠળ ગુનો નોંધવામાં આવ્યો છે. પોલીસ આ મામલાની તપાસ કરી રહી છે.
સોમવારે સુવર્ણ મંદિર પર બોમ્બ વિસ્ફોટની ધમકી આપવામાં આવી હતી
આ પહેલા સોમવારે સુવર્ણ મંદિર પર બોમ્બ વિસ્ફોટની ધમકી આપવામાં આવી હતી. આ પછી, શિરોમણી ગુરુદ્વારા પ્રબંધક સમિતિ (એસજીપીસી) એ પોલીસમાં ફરિયાદ નોંધાવી હતી. પોલીસ કમિશનર ગુરપ્રીત સિંહ ભુલ્લરે જણાવ્યું હતું કે ધમકીને ગંભીરતાથી લેતા, આ ઈમેઈલ કોણે અને ક્યાંથી મોકલ્યો તે શોધવા માટે સાયબર ક્રાઈમ નિષ્ણાતોની મદદ લેવામાં આવી રહી છે. હાલમાં તપાસ ચાલી રહી છે. સુરક્ષાના કારણોસર, સુવર્ણ મંદિરની આસપાસ પોલીસ દેખરેખ વધારી દેવામાં આવી છે અને ભક્તોની સુરક્ષા સુનિશ્ચિત કરવા માટે સમગ્ર સંકુલમાં તકેદારી રાખવામાં આવી રહી છે.
