Video: દિલ્હી રેલી પહેલાં કોંગ્રેસમાં મોટો નિર્ણય: કર્ણાટકના મંત્રીઓ કેમ નહીં જાય રામલીલા મેદાન? પ્રિયંક ખડગેએ કર્યો ખુલાસો!
1નવેમ્બરે નવી દિલ્હીના રામલીલા મેદાન ખાતે યોજાનારી વિપક્ષી ગઠબંધનની મહારેલી અંગે કર્ણાટક સરકારના કેબિનેટ મંત્રી પ્રિયંક ખડગેએ મહત્વની સ્પષ્ટતા કરી છે. તેમણે જણાવ્યું હતું કે 1 નવેમ્બરે કર્ણાટક રાજ્ય સ્થાપના દિવસ એટલે કે 'કર્ણાટક રાજ્યોત્સવ' હોવાથી રાજ્યના મંત્રીઓ દિલ્હીના કાર્યક્રમમાં હાજરી આપી શકશે નહીં.
પત્રકારો સાથે વાતચીતમાં પ્રિયંક ખડગેએ જણાવ્યું કે, "1 નવેમ્બરે 'કર્ણાટક રાજ્યોત્સવ' છે. આ દિવસે આપણા રાજ્યની સ્થાપના થઈ હતી અને આ દિવસ અમારા માટે અત્યંત મહત્વનો છે. અમે કોંગ્રેસ હાઈકમાન્ડને પહેલેથી જ જાણ કરી દીધી છે કે અમારી અહીં બંધારણીય જવાબદારીઓ હોવાથી મંત્રીઓ દિલ્હી કાર્યક્રમમાં સામેલ થઈ શકશે નહીં, અને હાઈકમાન્ડે અમારી આ વાત સ્વીકારી લીધી છે. જોકે, અન્ય ધારાસભ્યો અને કાર્યકર્તાઓ જરૂરી ચકાસણી કરીને આ કાર્યક્રમમાં ભાગ લઈ શકે છે."
રામલીલા મેદાનની રેલીને લઈને કેન્દ્ર સરકાર પર નિશાન સાધતા તેમણે ઉમેર્યું હતું કે, "કેન્દ્ર સરકાર સારી રીતે જાણે છે કે દેશભરમાંથી લોકો સ્વેચ્છાએ આ આંદોલનમાં જોડાઈ રહ્યા છે. તેથી લોકો રામલીલા મેદાન ખાતે એકઠા ન થઈ શકે તે માટે કેન્દ્ર સરકાર પોતાના તમામ પ્રકારના હથકંડા અને ષડયંત્રો અપનાવી રહી છે."
