VIDEO/ ભૂટાનના પીએમ પછી હવે મોરેશિયસના વડાપ્રધાને પણ PM મોદીને કહ્યું : 'મારા ભાઈ મોદી જી'
પ્રધાનમંત્રી નરેન્દ્ર મોદી બે દિવસની મોરેશિયસની મુલાકાતે છે. મોરેશિયસના વડા
પ્રધાનમંત્રી નરેન્દ્ર મોદી બે દિવસની મોરેશિયસની મુલાકાતે છે. મોરેશિયસના વડા પ્રધાન નવીન રામગુલામે પીએમ મોદીને દેશના સર્વોચ્ચ સન્માન 'ધ ગ્રાન્ડ કમાન્ડર ઓફ ધ ઓર્ડર ઓફ ધ સ્ટાર એન્ડ કી ઓફ ધ ઇન્ડિયન ઓશન' થી સન્માનિત કર્યા. પીએમ મોદીએ પોર્ટ લુઇસમાં ભારતીય સમુદાયને પણ સંબોધિત કર્યો.
દરમિયાન મોરેશિયસના વડાપ્રધાને પણ PM મોદીની પ્રશંસા કરી હતી. તેમણે પોતાના સંબોધનમાં PM મોદીને "મારા ભાઈ મોદીજી તમારો આભાર" એમ સ્પષ્ટ ગુજરાતીમાં સંબોધન કર્યું હતું.
એરપોર્ટ પહોંચતા જ પીએમ મોદીનું ઉષ્માભર્યું સ્વાગત કરવામાં આવ્યું. મોરેશિયસના નાયબ વિદેશ પ્રધાન હમ્બીરાજન નરસિંહને જણાવ્યું હતું કે વડા પ્રધાન નરેન્દ્ર મોદીની મોરેશિયસ મુલાકાતથી તેઓ સન્માનિત અનુભવી રહ્યા છે. તેને 'ખાસ પ્રસંગ' ગણાવતા તેમણે કહ્યું કે તમામ 34 મંત્રીઓ પ્રધાનમંત્રી મોદીનું સ્વાગત કરવા એરપોર્ટ પર હાજર રહેશે. તેમણે કહ્યું કે પીએમ મોદીનું ખૂબ જ ધામધૂમથી સ્વાગત કરવું જોઈએ.
મોરેશિયસ અને ભારત વચ્ચે ગાઢ સંબંધો છે.
મોરેશિયસ આફ્રિકન ખંડના સૌથી નાના દેશોમાંનો એક છે. અહીંની કુલ 12 લાખ વસ્તીમાંથી લગભગ 70 ટકા લોકો ભારતીય મૂળના છે. આ મુલાકાત પહેલા, પીએમ મોદી એક વાર મોરેશિયસની મુલાકાત લઈ ચૂક્યા છે. પીએમ મોદીએ માર્ચ 2015 માં રાષ્ટ્રીય દિવસની ઉજવણી પ્રસંગે મોરેશિયસની મુલાકાત લીધી હતી.
