PM મોદીના હાથ પર જોવા મળી એક રૂપિયાના ડાયલવાળી ઘડિયાળ, જેનું નામ છે 'Roman Baagh'

વડાપ્રધાન નરેન્દ્ર મોદીના હાથના કાંડા પર જોવા મળેલી એક ઘડિયાળ હવે સમાચારમાં છે. આ ઘડિયાળના ડાયલ પર 1947નો અસલ એક રૂપિયાનો સિક્કો દેખાય છે. વડાપ્રધાન મોદીએ સપ્ટેમ્બર અને નવેમ્બર વચ્ચેના જાહેર કાર્યક્રમો દરમિયાન ઘણી વખત આ ઘડિયાળ પહેરી હતી. આ સમયગાળા દરમિયાન તેમના ઘણા ફોટોગ્રાફ્સ પણ વાયરલ થયા છે.

આ પણ વાંચો :

લોરેન્સના ભાઈ અનમોલ બિશ્નોઈને અમેરિકાથી ભારત લાવવામાં આવશે,બાબા સિદ્દીકી હત્યામાં આરોપી

'લાલુ યાદવના નામે સંવેદના દેખાડનારાઓ કિડની દાન વખતે કેમ ચૂપ રહ્યા'- રોહિણી યાદવે તેજસવી પર કર્યા પ્રહાર

જાણો કે આ ઘડિયાળનું નામ શું છે, તે કઈ કંપનીએ બનાવી અને તેની કિંમત કેટલી છે

આ ઘડિયાળ જયપુર વોચ કંપની (Jaipur Watch Company coin watch) દ્વારા બનાવવામાં આવી છે અને તેનું નામ 'Roman Baagh' (રોમન બાઘ) છે. આ ઘડિયાળની સૌથી ખાસ વાત તેનો ડાયલ છે. તેમાં 1947નો અસલ એક રૂપિયાનો સિક્કો (1947 one rupee coin dial watch) લગાવવામાં આવ્યો છે, જેના પર ભારતનો 'વોકિંગ ટાઈગર' જોવા મળે છે.

આ ફક્ત એક ડિઝાઇન નથી, પરંતુ તે એ યુગનું પ્રતીક છે જ્યારે ભારત સ્વતંત્રતા તરફ આગળ વધી રહ્યું હતું. આ જ કારણ છે કે આ ઘડિયાળ પ્રધાનમંત્રી મોદીના 'Make in India' વિઝન સાથે સંપૂર્ણ રીતે મેળ ખાય છે.

ભારતીય વારસો અને આધુનિક એન્જિનિયરિંગનું મિશ્રણ છે આ ઘડિયાળ

રોમન બાઘમાં મજબૂત 316L સ્ટેનલેસ સ્ટીલથી બનેલું 43mmનું મજબૂત કેસ છે. જેમાં જાપાનીઝ મિયોટા ઓટોમેટિક મૂવમેન્ટ ચાલે છે, જે સરળ અને વિશ્વસનીય માનવામાં આવે છે. ઘડિયાળમાં આગળ અને પાછળ બંને બાજુ સાફાયર ક્રિસ્ટલ, સ્ક્રેચ-રેસિસ્ટેંટ ડિઝાઇન, 5 ATM વોટર રેજિસ્ટેંસ, બેક કેસ ટ્રાંસપેરેંટ છે તેથી મિકેનિઝમ સ્પષ્ટ દેખાય. આ ઘડિયાળ સુંદરની સાથે પ્રેક્ટિકલ પણ છે.

આ ઘડિયાળની શરૂઆતની કિંમત શું છે?

રોમન બાઘની કિંમત ₹55,000 થી ₹60,000ની વચ્ચે છે. લક્ઝરી વોચ કેટેગરીમાં આ કિંમત તેને એન્ટ્રી-લેવલ લક્ઝરી ઘડિયાળ બનાવે છે. આ લક્ઝરી ઘડિયાળ સ્ટોરી ટેલિંગ, વારસો અને પ્રીમિયમ ગુણવત્તાનું સંપૂર્ણ મિશ્રણ આપે છે. આ માત્ર એક ઘડિયાળ નથી, પરંતુ એક અનોખી વસ્તુ છે જેના જોતા જ તે ચર્ચાનો વિષય બની જાય છે.