'શબના બે ટુકડા કરીશું'; પિતાના અંતિમ સંસ્કારને લઈ બે ભાઈઓ વચ્ચે થયો ઝઘડો, પોલીસ કરવી પડી દરમિયાનગીરી

ટીકમગઢમાં પિતાના મૃત્યુ બાદ, તેમના બે પુત્રો વચ્ચે અંતિમ સંસ્કારને લઈને વિવાદની સ્થિતિ ઊભી થઈ. વિવાદ એટલો વધી ગયો કે મોટો દીકરો તેના પિતાના શરીરને ટુકડા કરી બાળી નાખવાનો આગ્રહ કરવા લાગ્યો. આ જોઈને ગામલોકોએ પોલીસને જાણ કરી. પોલીસ ઘટનાસ્થળે પહોંચી અને દરમિયાનગીરી કર્યા પછી જ મૃતકના અંતિમ સંસ્કાર કરવામાં આવ્યા.

જિલ્લાના તાલ લિધોરા ગામના રહેવાસી ધ્યાની સિંહ ઘોષનું 85 વર્ષની વયે અવસાન થયું. નાના દીકરા દામોદર પોતાના પિતાના અંતિમ સંસ્કારની તૈયારી કરવા લાગ્યો. માહિતી મળતાં જ ગ્રામજનો તેમજ સંબંધીઓ શોકગ્રસ્ત પરિવારના ઘરે પહોંચ્યા.

અંતિમ સંસ્કારની તૈયારીઓ ચાલી રહી હતી ત્યારે મોટા ભાઈ કિશન સિંહ ઘોષ તેમના પુત્ર અને પરિવારના સભ્યો સાથે પહોંચ્યા અને તેમના પિતાના અંતિમ સંસ્કાર કરવાનો આગ્રહ રાખ્યો. પરંતુ નાના ભાઈએ ના પાડી દીધી, અને કહ્યું કે તેણે તેના પિતાની સેવા કરી છે અને હવે તે અંતિમ સંસ્કાર કરશે.

વૃદ્ધની તબિયત છેલ્લી ઘડીએ બગડી ત્યારે નાણાં દીકરાએ સેવ કરી 

પરિવારના સભ્યોએ એમ પણ કહ્યું કે જ્યારે વૃદ્ધ ધ્યાની સિંહની તબિયત છેલ્લી ઘડીએ બગડી ત્યારે તેમના મોટા પુત્ર કિશન અને તેમના પરિવારે તેમની સંભાળ રાખી ન હતી. આવી સ્થિતિમાં, ફક્ત સેવા કરતા પુત્ર દામોદરને જ અંતિમ સંસ્કાર કરવાનો અધિકાર આપવો જોઈએ. આ બાબતે બંને પુત્રો વચ્ચે ઝઘડો થયો અને પિતાનો મૃતદેહ કલાકો સુધી ઘરની બહાર રાખવામાં આવ્યો.

બે ટુકડા કરી અલગથી અગ્નિસંસ્કાર કરવાની માંગ

મામલો એટલો વધી ગયો કે કિશનએ તેના પિતાના મૃતદેહને બે ટુકડા કરી અલગથી અગ્નિસંસ્કાર કરવાની માંગ કરી. આનાથી બધા પરેશાન થઈ ગયા અને જ્યારે પરિસ્થિતિ શાંત ન થઈ ત્યારે ગામલોકોએ પોલીસને જાણ કરી.

પોલીસે ઘટનાસ્થળે પહોંચીને બંને પક્ષોનું કાઉન્સેલિંગ કર્યું. ગ્રામજનો અને પરિવારના સભ્યોની વિનંતી મુજબ, નાના પુત્ર દામોદરને અંતિમ સંસ્કાર કરવાની પરવાનગી આપવામાં આવી. પોલીસની દરમિયાનગીરી બાદ જ મામલો થાળે પડ્યો અને પરિવારના સભ્યો દામોદર સાથે ગયા અને વૃદ્ધના મૃત્યુના 6 કલાક પછી તેમના અંતિમ સંસ્કાર કર્યા.

આ કેસમાં જાતારા પોલીસ સ્ટેશનના ઇન્ચાર્જ અરવિંદ સિંહ ડાંગીએ જણાવ્યું હતું કે ગામના સંબંધીઓ અને પરિવારના સભ્યો પાસેથી માહિતી એકત્રિત કર્યા પછી, નાના પુત્ર દામોદર ઘોષને તેના પિતાના અંતિમ સંસ્કાર કરવા માટે કહેવામાં આવ્યું હતું અને મોટા પુત્રને સહયોગ કરવાની સલાહ આપવામાં આવી હતી. .