બંધારણના 75 વર્ષ:રાષ્ટ્રપતિ-વડાપ્રધાને સ્મારક સિક્કા અને પોસ્ટ ટિકિટ જાહેર કરી
રાષ્ટ્રપતિ દ્રૌપદી મુર્મૂ અને વડાપ્રધાન નરેન્દ્ર મોદીએ બંધા
રાષ્ટ્રપતિ દ્રૌપદી મુર્મૂ અને વડાપ્રધાન નરેન્દ્ર મોદીએ બંધારણના 75 વર્ષ પૂર્ણ થવા પર સ્મારક સિક્કા અને પોસ્ટ ટિકિટ જાહેર કરી હતી. રાષ્ટ્રપતિએ બંધારણ પર આધારિત બે પુસ્તકોનું વિમોચન પણ કર્યું હતું. રાષ્ટ્રપતિએ એક પુસ્તિકાનું પણ વિમોચન કર્યું હતું.
રાષ્ટ્રપતિએ સંસ્કૃત અને મૈથિલી ભાષામાં પણ બંધારણનું વિમોચન
રાષ્ટ્રપતિ દ્રૌપદી મુર્મૂએ સંસ્કૃત ભાષામાં ભારતના બંધારણનું પણ વિમોચન કર્યું હતું. રાષ્ટ્રપતિએ બંધારણની મૈથિલી ભાષાનું પણ વિમોચન કર્યું હતું.
આપણું બંધારણ જીવંત અને પ્રગતિશીલ દસ્તાવેજ- રાષ્ટ્રપતિ
રાષ્ટ્રપતિએ કહ્યું કે બંધારણની ભાવના મુજબ લોકોની આકાંક્ષાઓને પૂર્ણ કરવા માટે કાર્ય કરવાની જવાબદારી વિધાનસભા, કારોબારી અને ન્યાયતંત્રની છે. ઓબીસી કમિશનને બંધારણીય દરજ્જો આપવામાં આવ્યો છે. નારી શક્તિ વંદન કાયદાથી એક નવા યુગની શરૂઆત થઈ છે. ભારતીય નાગરિક સંરક્ષણ સંહિતા પસાર કરીને, આધુનિક વિચારસરણીને અપનાવવાનું એક પ્રભાવશાળી ઉદાહરણ આપવામાં આવ્યું છે. છેલ્લા કેટલાક વર્ષોમાં સરકારે સમાજના નબળા વર્ગના વિકાસ માટે ઘણા પગલાં લીધા છે. પાક્કું ઘરથી ખાદ્ય સુરક્ષા અને તબીબી સુવિધા મળવાનો ઉલ્લેખ કરતાં રાષ્ટ્રપતિએ કહ્યું કે આવા અનેક પ્રયાસો આપણા બંધારણીય આદર્શોને આગળ લઈ જાય છે. સુપ્રીમ કોર્ટના પ્રયાસોથી ન્યાયતંત્ર અનેક પ્રયાસો કરી રહ્યું છે. સમય સાથે મૂળભૂત અધિકારોનો વ્યાપ વધ્યો છે. બંધારણમાં દરેક નાગરિકની મૂળભૂત ફરજોનો સ્પષ્ટ ઉલ્લેખ કરવામાં આવ્યો છે. આપણું બંધારણ જીવંત અને પ્રગતિશીલ દસ્તાવેજ છે.
આ પણ વાંચો: કેન્દ્ર સરકારે PAN 2.0 અને One Nation One Subscription ને આપી મંજૂરી
2047 સુધી વિકસિત ભારતના નિર્માણમાં યોગદાન આપો- ઉપરાષ્ટ્રપતિ
ઉપરાષ્ટ્રપતિ અને રાજ્યસભાના અધ્યક્ષ જગદીપ ધનખડે પોતાના સંબોધનમાં આર્થિક પ્રગતિથી લઇને વૈશ્વિક માન્યતાઓ સુધી આઝાદી બાદની પ્રગતિ યાત્રાનો ઉલ્લેખ કર્યો અને બંધારણના નિર્માતા બાબાસાહેબ ભીમરાવ આંબેડકરને પણ યાદ કર્યા હતા. ઉપરાષ્ટ્રપતિએ કહ્યું કે, 'આપણે ભારતના લોકો' બંધારણની શરૂઆતથી લઇને બંધારણની પ્રસ્તાવનાનો ઉલ્લેખ કર્યો અને કહ્યું કે સમય આવી ગયો છે કે આપણે મૂળભૂત ફરજનું પાલન કરતા રાષ્ટ્ર પ્રથમ સિદ્ધાંત પર ચાલીયે અને 2047 સુધી વિકસિત ભારતના નિર્માણમાં યોગદાન આપે. સમાજના નિર્માણમાં પોતાની ભૂમિકા નીભાવે. લોકોની આકાંક્ષા પુરી કરવામાં પોતાનું યોગદાન આપે.
