જમ્મુમાં વ્હાઈટ કોલર આતંકીઓનો પર્દાફાશ, 2,900 કિલો IED બ્લાસ્ટની સામગ્રી સહિત 7ની ધરપકડ
જમ્મુ અને કાશ્મીર પોલીસે આંતરરાજ્ય અને આંતરરાષ્ટ્રીય સ્તરે કાર્યરત એક મોટા આતંકવા
જમ્મુ અને કાશ્મીર પોલીસે આંતરરાજ્ય અને આંતરરાષ્ટ્રીય સ્તરે કાર્યરત એક મોટા આતંકવાદી મોડ્યુલનો પર્દાફાશ કર્યો છે. પોલીસના જણાવ્યા મુજબ, આ રેકેટ પ્રતિબંધિત આતંકવાદી સંગઠનો જૈશ-એ-મોહમ્મદ (JeM) અને અંસાર ગઝવત-ઉલ-હિંદ (AGuH) સાથે જોડાયેલું હતું. તપાસમાં જાણવા મળ્યું છે કે વ્યાવસાયિકો, વિદ્યાર્થીઓ અને વિદેશી હેન્ડલર્સ સાથે સંપર્કમાં રહેલા લોકો સહિત સફેદ કોલર કામદારો પણ તેમાં સામેલ હતા. જમ્મુ અને કાશ્મીર પોલીસે શ્રીનગર, અનંતનાગ, ગાંદરબલ અને શોપિયામાં અનેક સ્થળોએ શોધખોળ હાથ ધરી હતી. તેવી જ રીતે, હરિયાણા પોલીસની મદદથી ફરીદાબાદમાં અને ઉત્તર પ્રદેશ પોલીસના સહયોગથી સહારનપુરમાં દરોડા પાડવામાં આવ્યા હતા. આ શોધખોળમાં આતંકવાદ સંબંધિત દસ્તાવેજો, ઇલેક્ટ્રોનિક ઉપકરણો, શસ્ત્રો, દારૂગોળો અને IED બનાવવાની સામગ્રી મળી આવી હતી.
વ્યાપક સર્ચ ઓપરેશન અને જપ્તી
જમ્મુ-કાશ્મીર પોલીસે તપાસના ભાગરૂપે શ્રીનગર, અનંતનાગ, ગાંદરબલ અને શોપિયાંમાં સર્ચ ઓપરેશન ચલાવ્યું. આ ઉપરાંત, હરિયાણા પોલીસની મદદથી ફરીદાબાદમાં અને યુપી પોલીસ સાથે મળીને સહારનપુરમાં પણ છાપેમારી કરવામાં આવી હતી. જેમાં આતંકવાદ સંબંધિત દસ્તાવેજો, ઇલેક્ટ્રોનિક ઉપકરણો, હથિયારો, દારૂગોળો અને IED બનાવવાની સામગ્રી જપ્ત કરવામાં આવી. જમ્મુ-કાશ્મીરના ડૉક્ટરની ફરીદાબાદમાંથી ધરપકડ કરવામાં આવ્યા બાદ સમગ્ર ભાંડો ફૂટ્યો છે. પોલીસે જણાવ્યું કે, તેના ભાડાના રહેઠાણમાંથી એમોનિયમ નાઈટ્રેટ હોવાની શંકા સાથે લગભગ 360 કિલોગ્રામ વિસ્ફોટક સામગ્રી અને હથિયારો-દારૂગોળાનો મોટો જથ્થો મળી આવ્યો છે.
સાત આરોપીઓની ધરપકડ
પોલીસે તપાસ દરમિયાન સાત આરોપીઓ ઝડપાયા છે. ધરપકડ કરાયેલા આરોપીઓમાં શ્રીનગરના આરિફ નિસાર ડાર (સાહિલ), યાસિર-ઉલ-આશરફ, મકસૂદ અહેમદ ડાર (શહીદ) સામેલ છે. શોપિયાંથી મૌલવી ઇરફાન અહેમદ (મસ્જિદના ઇમામ), ગાંદરબલના જમીર અહેમદ આહંગર (મુતલાશા) અને પુલવામાના ડૉ. મુઝમ્મિલ અહેમદ ગનાઈ (મુસૈબ)ની પણ ધરપકડ કરવામાં આવી છે. કુલગામમાંથી ડૉ. અદીલની ધરપકડ કરવામાં આવી છે. તમામ આરોપીઓ વિદેશી હેન્ડલરોના સંપર્કમાં હતા અને મૉડ્યૂલના સંચાલનમાં સામેલ હતા.
હથિયારો અને 2900 કિલો IED સામગ્રી જપ્ત
જમ્મુ-કાશ્મીર પોલીસે તલાશી દરમિયાન હથિયારો અને વિસ્ફોટક સામગ્રી જપ્ત કરી છે. જપ્ત કરાયેલા હથિયારોમાં એક ચાઇનીઝ સ્ટાર પિસ્તોલ, એક બેરેટ્ટા પિસ્તોલ, એક AK-56 રાઇફલ, એક AK ક્રિંકોવ રાઇફલ અને તે સંબંધિત દારૂગોળો સામેલ છે.
આ ઉપરાંત, પોલીસે કુલ 2900 કિલો IED બનાવવાની સામગ્રી પણ જપ્ત કરી, જેમાં વિસ્ફોટકો, રાસાયણિક પદાર્થો, રિએક્ટન્ટ, જ્વલનશીલ સામગ્રી, ઇલેક્ટ્રોનિક સર્કિટ, બેટરીઓ, તાર, રિમોટ કંટ્રોલ, ટાઇમર અને મેટલ શીટ જેવી વસ્તુઓનો સમાવેશ થાય છે. પોલીસે કહ્યું કે આ સામગ્રીનો ઉપયોગ આતંકવાદી હુમલાઓમાં થઈ શક્યો હોત.
નાણાકીય લિંક અને ફંડિંગના સ્રોતની કરાશે તપાસ
જમ્મુ-કાશ્મીર પોલીસે એ પણ જણાવ્યું કે આ મૉડ્યૂલ સાથે સંકળાયેલા ફંડના સ્રોતની તપાસ ઝડપથી ચાલી રહી છે. તમામ નાણાકીય લિંક્સ અને બાહ્ય સહયોગની માહિતી એક પછી એક એકઠી કરવામાં આવી રહી છે અને તેમને સમયસર નષ્ટ કરવામાં આવશે.
