સૈનિકના શરીરમાં 10 વર્ષથી પડ્યા હતા લોખંડના 3 બોલ્ટ, હવે જોવા મળી અસર

દિલ્હી AIIMSના તબીબોએ એક સૈનિકનો જીવ બચાવ્યો છે, જે લેન્ડમાઈનની ચપેટમાં તેના શાહરીમાં ધાતુના કેટલાક ટુકડા ઘૂસી ગયા હતા. ડોક્ટરોએ ઓપરેશન કરી તેના શાહરીમાં રહેલા 3 બોલ્ટ દૂર કર્યા છે. હકીકતમાં, એક 49 વર્ષીય સૈનિક તેમના હિપમાં તીવ્ર દુખાવો અને સોજાની ફરિયાદ સાથે એઈમ્સ પહોંચ્યા હતા. જ્યારે ડોક્ટરોએ તેમની તપાસ કરી તો જાણવા મળ્યું કે તેના શરીરમાં ધાતુના ત્રણ બોલ્ટ હતા, જેના કારણે તેઓ પીડા અને સોજાથી પરેશાન હતા. આ ઉપરાંત પરુ આવવાનો પણ ભય હતો.

જ્યારે ડોક્ટરોએ આ અંગે સૈનિકની પૂછપરછ કરી તો તેમને ખબર પડી કે તે દસ વર્ષ પહેલા જમીનમાં બિછાવેલી લેન્ડમાઈનને કારણે તેઓ ઘાયલ થાય હતા. આ દરમિયાન તેના શરીરમાં ધાતુના ટુકડા ઘૂસી ગયા હતા. આ ઘટનામાં ઘાયલ થયા બાદ સેનાના તબીબોએ સર્જરી કરીને તેમનો જીવ બચાવ્યો હતો. આ સમયગાળા દરમિયાન, લગભગ એક વર્ષ સુધી દર્દીની સારવાર અને તપાસ કરવામાં આવી પરંતુ કોઈ સમસ્યા જોવા મળી ન હતી. 

તે જ સમયે, AIIMSના ડૉક્ટરોનું કહેવું છે કે દસ વર્ષ પછી શરીરમાં કોઈ મોટી ધાતુની વસ્તુની અસર ન થવી એ ચોંકાવનારી બાબત છે. ઘટના બાદ સેનાના ડોક્ટરોએ ખરાબ રીતે ઘાયલ સૈનિકની સારવાર કરી, આવા સમયે તેનો જીવ બચાવવો જરૂરી હતો. આ સમય દરમિયાન, શરીરના આંતરિક ભાગમાં હાજર મેટલ બોલ્ટ શોધી શકાયો ન હતો. લગભગ દસ વર્ષ પછી, તેના નિતંબ પાસે મોટો સોજો દેખાવા લાગ્યો. પ્રારંભિક તપાસમાં કંઈ જ બહાર આવ્યું ન હતું, પરંતુ ઝીણવટભરી તપાસ પર જાણવા મળ્યું હતું કે તેના શરીરમાં ત્રણ મેટલ બોલ્ટ હાજર હતા, જે 10 વર્ષ પહેલાં લેન્ડમાઈન બ્લાસ્ટમાં તેના શરીરમાં ઘૂસી ગયા હતા. 

આર્મીના તબીબોએ પણ સારવાર કરી હતી

AIIMSના ટ્રોમા સેન્ટરમાં તેની સારવાર કરી રહેલા ડૉક્ટરોએ જણાવ્યું કે સૈનિકના ઉપરના ધડમાં બે બોલ્ટ હતા જ્યાં અત્યાર સુધી કોઈ અસર થઈ નથી, જ્યારે નિતંબની નજીકનો બોલ્ટ દસ વર્ષ પછી શરીરમાં પ્રતિક્રિયાના કારણે લક્ષણો બતાવી રહ્યો હતો. તેમણે કહ્યું કે કોઈપણ તત્વ શરીરમાં પહોંચ્યા પછી, તેના લક્ષણો ઘણીવાર થોડા કલાકોથી એક વર્ષમાં દેખાવા લાગે છે. જોકે, આ કિસ્સો ચોંકાવનારો હતો જ્યારે દસ વર્ષ પછી દર્દીના શરીરમાં લક્ષણો દેખાવા લાગ્યા. તેમણે કહ્યું કે જ્યારે આ દર્દી આર્મી હોસ્પિટલ પહોંચ્યો ત્યારે તે ખરાબ રીતે ઘાયલ હતો. આ સમયે ત્યાંના તબીબોએ તેનો જીવ બચાવવા માટે જે જરૂરી હતું તે કર્યું.