VIDEO: સુરેન્દ્રનગર મહાનગરપાલિકામાં હોબાળાનો મામલો, 4 આપ નેતાને મામલતદાર સમક્ષ કરાયા હાજર

સુરેન્દ્રનગર મહાનગરપાલિકામાં હલ્લાબોલ મામલે આપના 4 નેતાઓ સામે ફરિયાદ બાદ 24 કલાક કસ્ટડીમાં રાખી મામલતદાર સમક્ષ મોડી રાત્રે હાજર કરવામાં આવ્યા હતા. મળતા અહેવાલ પ્રમાણે 4 નેતાઓને  ફરજ રૂકાવટ જાનથી મારી નાખવાની ધમકી સહિતની કલમો લગાવી કાર્યવાહી કરવામાં આવી હતી. તો બીજી તરફ 28 માર્ચે ફરી હાજર રહેવા નોટિસ પાઠવવામાં આવી છે.

 ચાર દિગ્ગજ નેતાઓ સામે કાયદેસરની કાર્યવાહી હાથ ધરાઈ

સુરેન્દ્રનગર મહાનગરપાલિકામાં વારંવાર હલ્લાબોલ અને રજૂઆત કરવા બદલ આમ આદમી પાર્ટીના ચાર દિગ્ગજ નેતાઓ સામે કાયદેસરની કાર્યવાહી હાથ ધરાઈ છે. મોડી રાત સુધી શહેર પ્રમુખ અને વઢવાણ વિધાનસભા પ્રભારી સહિતના નેતાઓને સિટી પોલીસ સ્ટેશનમાં રાખવામાં આવ્યા હતા. કમલેશ કોટેચા અને દીપક ચિહલા સહિતના આગેવાનોને હાલ નોટિસ આપી છોડાયા છે.