VIDEO : ખેડૂતોના ખાતામાં પાક ધિરાણનું વ્યાજ જમા કરાવવા સાંસદને પત્ર

અમરેલીના લાઠી તાલુકાના શાખપુર ગામના સરપંચ જશુભાઈ ખુમાણે ખેડૂતોના હિતમાં અમરેલી જિલ્લાના સાંસદ ભરત સુતરીયાને એક મહત્વનો પત્ર લખ્યો છે. આ પત્ર દ્વારા સરપંચે વર્ષ 2024-25માં ખેડૂતો દ્વારા લેવામાં આવેલા પાક ધિરાણનું વ્યાજ વહેલી તકે તેમના ખાતામાં જમા કરાવવા રજૂઆત કરી છે. નિયમ મુજબ ખેડૂતોને પાક ધિરાણ પર કેન્દ્ર સરકાર 3% અને રાજ્ય સરકાર 4% વ્યાજ સહાય આપે છે, જે ખેડૂતોએ ચૂકવી દીધા બાદ પરત મળવાપાત્ર હોય છે. ચાલુ વર્ષે ચોમાસું ખેંચાવાને કારણે ખેડૂતો આર્થિક મુશ્કેલીનો સામનો કરી રહ્યા છે, તેથી જો સરકારે વ્યાજની આ રકમ વહેલી તકે ખાતામાં જમા કરાવી દીધી હોત તો તે આ કપરા સમયે ખેડૂતોને બિયારણ અને ખેતીકામ માટે ખૂબ જ મદદરૂપ સાબિત થઈ શકે તેમ છે.