VIDEO : સુરતના મહિધરપુરામાં જ્વેલર્સના કારખાનામાંથી ૩૦ લાખના હીરા-સોનાની ચોરી

સુરતના હીરા અને સોનાના વેપારના હબ ગણાતા મહિધરપુરા વિસ્તારમાં એક સનસનાટીભરી ચોરીની ઘટના સામે આવી છે. અહીં ભવાનીવડ મેઇન રોડ પર આવેલા 'સાંધા જ્વેલ્સ' નામના કારખાનામાં જ કામ કરતો એક બંગાળી કારીગર અંદાજે ₹૩૦.૪૨ લાખની કિંમતનું સોનું અને કિંમતી હીરા ચોરીને માત્ર ૩૦ સેકન્ડમાં જ ત્યાંથી રફુચક્કર થઈ ગયો હતો. વિશ્વાસઘાત અને ચોરીની આ સમગ્ર ચોંકાવનારી ઘટના દુકાનમાં લાગેલા સીસીટીવી કેમેરામાં કેદ થઈ ગઈ છે. કારખાનાના માલિકની ફરિયાદના આધારે મહિધરપુરા પોલીસે આ મામલે ગુનો નોંધીને સીસીટીવી ફૂટેજના આધારે ફરાર કારીગરને ઝડપી પાડવા માટે ચક્રો ગતિમાન કર્યા છે અને વધુ તપાસ હાથ ધરી છે.