VIDEO: અમરેલી: દેશની ૩૦% શિપબિલ્ડિંગ ક્ષમતા ધરાવતું ભારતનું સૌથી મોટું શિપયાર્ડ SDHI

ગુજરાતના અમરેલી જિલ્લાના પીપાવાવ પોર્ટ પાસે આવેલું સ્વાન ડિફેન્સ એન્ડ હેવી ઇન્ડસ્ટ્રીઝ લિમિટેડ ભારતનું સૌથી મોટું શિપયાર્ડ છે. આ શિપયાર્ડ એકલું જ ભારતની કુલ શિપબિલ્ડિંગ ક્ષમતાનો આશરે ૩૦ ટકા હિસ્સો ધરાવે છે. ૬૦૦ એકર કરતાં વધુ વિસ્તારમાં ફેલાયેલું આ અત્યાધુનિક સંકુલ વૈશ્વિક સ્તરે વેપારી અને સંરક્ષણ જહાજોના નિર્માણ માટે જાણીતું છે. આ શિપયાર્ડ ભારતનો સૌથી મોટો ડ્રાય ડોક ધરાવે છે જેમાં ૪ ૦૦ ૦૦૦ DWT સુધીના વિશાળ જહાજો સમાવી શકાય છે. વાર્ષિક ૧.૪૪ લાખ મેટ્રિક ટન સ્ટીલ ફેબ્રિકેશન ક્ષમતા સાથે, આ પ્રોજેક્ટ ભારતને વૈશ્વિક મેરીટાઇમ હબ બનાવવામાં અને ૨૦૪૭ સુધીમાં ટોચના ૫ દેશોમાં સ્થાન અપાવવામાં મહત્વની ભૂમિકા ભજવી રહ્યો છે.