વડોદરામાં યોજાશે દ્વિતીય ઓપન મેજર રેન્કિંગ ટેબલ ટેનિસ ટુર્નામેન્ટ, આ તારીખે શરૂ થશે

ટેબલ ટેનિસ એસોસિએશન ઓફ બરોડા (TTAB) દ્વારા જિલ્લાની બીજી ઓપન વડોદરા મેજર રેન્કિંગ ટેબલ ટેનિસ ટુર્નામેન્ટ તા.26થી 28 જૂન, 2026 દરમિયાન TTAB-MSU સેન્ટર, મહારાજા સયાજીરાવ યુનિવર્સિટી ખાતે યોજાશે.

ટુર્નામેન્ટમાં કુલ 16 સિંગલ્સ ઈવેન્ટ્સ યોજાશે, જેમાં હોપ્સ બોયઝ અને ગર્લ્સ, કેડેટ બોયઝ અને ગર્લ્સ, સબ-જુનિયર બોયઝ અને ગર્લ્સ, જુનિયર બોયઝ અને ગર્લ્સ, યુથ બોયઝ અને ગર્લ્સ, મેન્સ અને વુમન્સ સિંગલ્સ તેમજ વેટરન્સની ચાર સિંગલ્સ ઈવેન્ટ્સનો સમાવેશ થાય છે. ઉપરાંત ત્રણ ડબલ્સ ઈવેન્ટ્સ–જમ્બલ ડબલ્સ, મેન્સ ડબલ્સ અને મિક્સ્ડ ડબલ્સ યોજાશે. આમ કુલ 19 ઈવેન્ટ્સનું આયોજન કરવામાં આવ્યું છે.