માતાનો લાડકવાયો છીનવાયો: Vadodara ના સમા વિસ્તારમાં બાઈક સ્લિપ થતા સગીરનું મોત
છેલ્લું અપડેટ : 17 Dec 2025
વડોદરા શહેરમાં માર્ગ અકસ્માતોનો સિલસિલો યથાવત રહ્યો છે. મોડી રાત્રે શહેરના સમા તળાવ પાસે એક ગંભીર અકસ્માત સર્જાયો હતો, જેમાં એક સગીર વયના કિશોરે પોતાનો જીવ ગુમાવ્યો છે. બાઈક સ્લિપ થવાના કારણે સર્જાયેલી આ દુર્ઘટનાથી સમગ્ર વિસ્તારમાં અરેરાટી વ્યાપી ગઈ છે.
તુલસીવાડીના પરિવારે લાડકવાયો પુત્ર ગુમાવ્યો
મળતી માહિતી મુજબ, કારેલીબાગ વિસ્તારની તુલસીવાડીમાં રહેતા હિતેન્દ્ર પરમાર નામનો સગીર મોડી રાત્રે સમા તળાવ પાસેથી પસાર થઈ રહ્યો હતો. આ દરમિયાન અચાનક તેનું બાઈક સ્લિપ થઈ જતાં તે રસ્તા પર પટકાયો હતો. અકસ્માત એટલો ભયાનક હતો કે હિતેન્દ્રને ગંભીર ઈજાઓ પહોંચતા તેનું ઘટનાસ્થળે જ કમકમાટીભર્યું મોત નીપજ્યું હતું.
પોલીસ તપાસ અને કાર્યવાહી
ઘટનાની જાણ થતા જ સમા પોલીસની ટીમ તાત્કાલિક સ્થળ પર દોડી આવી હતી. પોલીસે મૃતદેહનો કબજો મેળવી તેને પોસ્ટમોર્ટમ અર્થે હોસ્પિટલ ખસેડ્યો છે. સમા પોલીસ દ્વારા અકસ્માતનો ગુનો નોંધી વધુ તપાસ હાથ ધરવામાં આવી છે. મોડી રાત્રે બનેલી આ ઘટનાને પગલે તુલસીવાડી વિસ્તાર અને મૃતક સગીરના પરિવારમાં માતમ છવાઈ ગયો છે.
ઘટનાને પગલે ઉઠતો વેધક પ્રશ્ન:
-
સગીરને વાહન કોણે આપ્યું?: સગીર વયના કિશોર પાસે બાઈક ક્યાંથી આવ્યું? શું માતા-પિતાએ જ તેને વાહન ચલાવવા આપ્યું હતું?
- માતા-પિતાની જવાબદારી: લાયસન્સ વગરના સગીરને વાહન આપવા બદલ શું વાહન માલિક કે વાલી સામે કાયદેસરની કાર્યવાહી થશે?