VIDEO: સાવલી-ડેસરના પશુપાલકોની દૂધ મુદ્દે બાઇક રેલી: ધારાસભ્યના નિવાસસ્થાને રજૂઆત
છેલ્લું અપડેટ : 07 Jul 2026
સોર્સ : gstv
વડોદરાના સાવલી-ડેસર વિસ્તારના પશુપાલકો દૂધના કેન સાથે બાઇક રેલી કાઢી ધારાસભ્ય કેતન ઇનામદારના નિવાસસ્થાને પહોંચ્યા હતા. તેમનો મુખ્ય આક્ષેપ હતો કે આણંદની રાણીયા અમૂલ ડેરીમાં તેમનું દૂધ સ્વીકારવામાં આવતું નથી. ધારાસભ્ય ગાંધીનગરમાં હોવાથી બરોડા ડેરીના ડિરેક્ટર સુરપાલસિંહે પશુપાલકો સાથે બેઠક કરી હતી. તેમણે સ્પષ્ટ કર્યું કે મિલ્ક ફેડરેશનના નિયમો મુજબ અન્ય જિલ્લાના દૂધનો સીધો સ્વીકાર શક્ય નથી. તેમણે પશુપાલકોને સ્થાનિક મંડળીઓમાં જ દૂધ ભરવા અનુરોધ કર્યો, જેથી સ્થાનિક અર્થતંત્ર મજબૂત બને. ડિરેક્ટરની સમજાવટ અને રજૂઆત યોગ્ય સ્તરે પહોંચાડવાની ખાતરી મળતા મામલો શાંતિપૂર્ણ રીતે થાળે પડ્યો હતો.
