આજે દશેરા, અમદાવાદમાં 45 ફૂટ ઉંચા રાવણના પુતળાનું કરાશે દહન

આસુરી શક્તિ પર દૈવી શક્તિના વિજયનું પર્વ એટલે દશેરાની આજે અમદાવાદ શહેરમાં ધામધૂમથી ઉજવણી કરવામાં કરવામાં આવશે. આ પ્રસંગે શહેરના વિવિધ વિસ્તારોમાં પરંપરાગત રીતે રાવણ દહનના કાર્યક્રમોના આયોજન કરવામાં આવ્યા છે. જેમાં ખોખરા રેલવે ગ્રાઉન્ડ, અમરાઈવાડી નાગરવેલ હનુમાન, સાબરમતી ડી-કેબિન પાસે અને ભાડજ સ્થિત ઈસ્કોન મંદિર ખાતે સાંજે યોજાનારા રાવણ દહનના કાર્યક્રમમાં હજારો લોકો ઉમટી પડશે.

આજે દશેરાનું પર્વ ઉજવવામાં આવશે

આ વખતે એક તિથિ બે દિવસ સુધી હોવાના કારણે નવરાત્રિ દસ દિવસની હતી. જે પૂર્ણ થયા બાદ આજે દશેરાનું પર્વ ઉજવવામાં આવશે. શહેરના ખોખરા રેલવે ગ્રાઉન્ડ ખાતે લગભગ સાડા છ દસકાથી રાવણ દહનનો કાર્યક્રમ યોજાય છે. ગુરુવારે સાંજે અહીં રાવણના 45 ફૂટ ઉંચા પુતળાનું દહન કરાશે.

અમદાવાદના 5 સ્થળો પર રાવણ દહન

આખા ગુજરાતમાં સૌપ્રથમ અહીં રાવણ દહનની શરુઆત થઈ હોવાનો દાવો આયોજકો કરી રહ્યા છે. આવી રીતે જ અમરાઈવાડીના નાગરવેલ હનુમાન મંદિર પાસે પણ 45 ફૂટ જેટલી જ ઉચાઈના રાવણના પુતળાનું દહન કરાશે. આ આયોજન પણ છ દસકા કરતા વધારે સમયથી થાય છે.