Video: AMTSના શહેરી વિસ્તારમાં લાગુ પડતા નિયમો હવે ઔડા વિસ્તારમાં પણ લાગુ થશે

અમદાવાદમાં એએમટીએસ દ્વારા નાગરિકો માટે એક અત્યંત મહત્વપૂર્ણ નિર્ણય લેવામાં આવ્યો છે. કેન્દ્રીય ગૃહ મંત્રી અમિત શાહની સૂચના બાદ, હવેથી એએમટીએસ બસ ઔડા વિસ્તારમાં પણ દોડશે. આ સેવા અંતર્ગત અમદાવાદથી કલોલ સુધી તેમજ શૈલા જેવા નવા વિકસિત વિસ્તારો સહિત આસપાસના તમામ ગામોને આવરી લેવામાં આવ્યા છે. મુખ્યમંત્રી ભૂપેન્દ્ર પટેલના હસ્તે આ નવી બસોનું ફ્લેગ ઓફ કરાવવામાં આવ્યું હતું. શહેરી વિસ્તારમાં લાગુ પડતા નિયમો હવે ઔડા વિસ્તારમાં પણ લાગુ થશે. આ નિર્ણયથી 65 વર્ષથી વધુ ઉંમરના સિનિયર સિટીઝન્સને ફ્રી પાસની સુવિધા મળશે અને તેઓ મફત મુસાફરી કરી શકશે. આ ઉપરાંત, ગ્રામજનો પણ હવે સરળતાથી માસિક પાસ કઢાવી શકશે. અમદાવાદ અને આસપાસના ઔડા વિસ્તારના 10 લાખથી વધુ લોકોને આ સેવાનો સીધો ફાયદો થશે.