Tapi News: ઉકાઈ ડેમની સપાટીમાં વધારો, 72206 ક્યુસેક પાણની આવકથી ડેમ 72.43 ટકા ભરાયો
છેલ્લું અપડેટ : 18 Aug 2025
છેલ્લા બે ત્રણ દિવસથી ફરીથી મેઘરાજાની સવારી આવી પહોંચી છે. સર્વત્ર વરસાદ થઈ રહ્યો છે. ત્યારે ઉકાઈ ડેમના ઉપરવાસમાં પડી રહેલા વરસાદના પગલે ડેમની સપાટીમાં ક્રમશઃ વધારો થઈ રહ્યો છે. હાલ ડેમની સપાટી 333.94 ફૂટ પર પહોંચી ગઈ છે. જેથી ડેમમાં હાલ 72.43 ટકા લાઈવ સ્ટોરેજ છે.
ઉકાઈ ડેમમાં સતત પાણીની આવક
ઉકાઈ ડેમના ઉપરવાસમાં વરસી રહેલા વરસાદના પગલે ડેમમાં 72206 ક્યુસેક પાણીની આવક થઈ રહી છે. જેની સામે ડેમમાંથી 14525 ક્યુસેક પાણી છોડવામાં આવી રહ્યું છે. ડેમમાં લાઈવ સ્ટોરેજ 4874.55 MCM (72.43%) છે. વર્તમાન કેપિસિટી ડેમની 5558.94 MCM (74.98%) છે. હાલ ડેમનું ઓગસ્ટ માસનું રૂલ લેવલ 335 ફૂટ છે. જ્યારે હાલની સપાટી 333.94 ફૂટ છે.
કોઝ વે બંધ કરાયો
ઉકાઈ ડેમમાંથી પાણી કાકરાપારમાં આવી રહ્યું છે. જેથી કાકરાપારની સપાટી 159.90 ફૂટ પહોંચી ગઈ છે. મોતિચેરનું લેવલ 53 ફૂટ છે. ઉકાઈ ડેમમાંથી પાણી છોડવામાં આવી રહ્યું હોવાથી સુરતના સિંગણપોર વિયર કમ કોઝવેનું લેવલ 5.98 મીટર પહોંચી ગયું છે. જેથી વાહનવ્યવહાર માટે ફરીથી કોઝ વેને બંધ કરવામાં આવ્યો છે.
