સુરેન્દ્રનગર: ધ્રાંગધ્રાની સબજેલ ફરી ચર્ચામાં આવી, સરપ્રાઈઝ ચેકિંગ દરમિયાન મળ્યો મોબાઈલ ફોન
છેલ્લું અપડેટ : 19 Dec 2025
સોર્સ : gstv
સુરેન્દ્રનગરના ધ્રાંગધ્રાની સબજેલમાં સરપ્રાઈઝ ચેકિંગ કરવામાં આવી હતી. આ દરમિયાન મોબાઈલ ફોન મળી આવ્યો હોવાનું સામે આવ્યું છે. ધ્રાંગધ્રા સબજેલના બેરક નંબર-7ના બાથરૂમમાંથી મોબાઇલ ફોન કબજે કરવામાં આવ્યો હતો.
નોંધનીય છે કે, અનેક વખત ધ્રાંગધ્રાની સબજેલમાં પ્રતિબંધિત ચીજ વસ્તુઓ મળી આવી છે, જ્યારે આ સિલસિલો હજી યથાવત જોવા મળી રહ્યો છે. સુરેન્દ્રનગર એસ.ઓ.જી પોલીસે સરપ્રાઇઝ ચેકિંગ દરમિયાન મોબાઈલ ફોન ઝડપી પાડ્યો હતો. આ ફોન કોનો છે અને કોની પાસેથી મળી આવ્યો છે, તે અંગે કોઈ માહિતી સામે આવી નથી. આ મામલે ધ્રાંગધ્રા સીટી પોલીસ સ્ટેશનમાં ગુનો દાખલ કરવામાં આવ્યો છે. સાથે આગળની કાર્યવાહી હાથ ધરવામાં આવી છે.
