VIDEO: ખજોદ ડમ્પિંગ સાઈટ પર લાગેલી આગ ચોથા દિવસે પણ બેકાબૂ, ફાયર વિભાગ સતત ચલાવી રહ્યો છે પાણીનો મારો
છેલ્લું અપડેટ : 27 Mar 2026
સોર્સ : gstv
સુરત શહેરનાં ખજોદ ખાતે આવેલી ડિસ્પોઝલ સાઈટમાં આજે સતત ચોથા દિવસે પણ આગ પર કાબૂ મેળવવા માટે ફાયર વિભાગનાં જવાનો જહેમત ઉઠાવી રહ્યા છે. ગત મંગળવારે સવારે ડિસ્પોઝલ સાઈટમાં લાગેલી આગે ગણતરીનાં સમયમાં વિકરાળ સ્વરૂપ ધારણ કરી લીધું હતું. એકંદરે એક કિલોમીટર વિસ્તારમાં આગ પ્રસરી જતાં આસપાસનાં વિસ્તારોમાં ભારે ફફડાટ વ્યાપી ગયો હતો.
છેલ્લા ચાર દિવસથી ફાયર વિભાગ દ્વારા સતત પાણીનો છંટકાવ કરીને આગ પર કાબૂ મેળવવાનો પ્રયાસો કરવામાં આવી રહ્યા છે. જો કે, હજી સુધી આગ પર સંપૂર્ણપણે કાબૂ મેળવવામાં ફાયર વિભાગને સફળતા સાંપડી નથી અને તંત્ર દ્વારા પરિસ્થિતિને સંપૂર્ણપણે નિયંત્રણમાં લેવા માટે જરુરી પગલાં ભરવામાં આવી રહ્યા હોવાનું જાણવા મળ્યું છે.
