VIDEO: વરાછા SBI લૂંટ કેસમાં વધુ એક આરોપી ઝડપાયો, એક હજારથી વધુ CCTV કેમેરાની પોલીસે કરી હતી તપાસ
છેલ્લું અપડેટ : 02 Jun 2026
સોર્સ : gstv
સુરતના વરાછા SBI બેંક લૂંટ કેસમાં ક્રાઈમ બ્રાન્ચે વધુ એક આરોપી મતીશ ઉર્ફે મુકેશ કુમારની ધરપકડ કરી છે. 27 એપ્રિલે બનેલી આ લૂંટની ઘટનામાં કુંદન ભગત ગેંગના પાંચથી સાત શખ્સોએ સંડોવણી હોવાનું તપાસમાં સામે આવ્યું છે. પોલીસે એક હજારથી વધુ CCTV કેમેરાની તપાસ કરી અને બિહારના મોતીહારી તથા પૂર્વ ચંપારણ વિસ્તારમાં આઠ દિવસ સુધી ગુપ્ત વોચ રાખી હતી.
તપાસમાં ખુલ્યું છે કે લૂંટના પ્લાન માટે બે મહિના સુધી સુરતની વિવિધ બેંકોની રેકી કરવામાં આવી હતી અને આરોપીઓ માટે સિમ કાર્ડ તથા રહેવાની વ્યવસ્થા અગાઉથી ગોઠવવામાં આવી હતી. હાલ ક્રાઈમ બ્રાન્ચ સમગ્ર ગેંગના નેટવર્ક અને અન્ય સંડોવાયેલા આરોપીઓ સુધી પહોંચવા વધુ તપાસ ચલાવી રહી છે.
