Morbi: બેફામ કાર ચાલકે બાઈકને મારી જોરદાર ટક્કર, બાઈક ચાલક આધેડનું ઘટનાસ્થળે જ મોત

મોરબીના પંચાસર રોડ પર એક બેફામ કાર ચાલકે બાઇકને પાછળથી ટક્કર મારતા બાઇક ચાલક આધેડનું ઘટનાસ્થળે જ મોત નીપજ્યું છે. આ અકસ્માત મોડી સાંજે થયો હતો.

પ્રાપ્ત માહિતી અનુસાર, મૃતક આધેડની ઓળખ શિવાભાઈ કાનાણી તરીકે થઈ છે. મોડી સાંજના સમયે શિવાભાઈ પોતાની બાઈક લઈને પંચાસર રોડ પરથી પસાર થઈ રહ્યા હતા. આ દરમિયાન પાછળથી પૂરઝડપે આવતી એક કારના ચાલકે તેમને જોરદાર ટક્કર મારી હતી. કારની ટક્કર એટલી જોરદાર હતી કે શિવાભાઈ બાઈક પરથી નીચે પટકાયા હતા. આ અકસ્માતમાં તેમને માથામાં અને શરીરના અન્ય ભાગોમાં ગંભીર ઇજાઓ પહોંચી હતી, જેના કારણે તેમનું ઘટનાસ્થળે જ મોત થયું હતું. ત્યારે આ મામલે હવે પોલીસે આગળની કાર્યવાહી હાથ ધરી છે.