Rajkot ના થોરાળા વિસ્તારમાં જૂથ અથડામણના Video આવ્યા સામે, સોડા બોટલ, ઈંટ-પથ્થરથી કરાયા હતા ઘા
છેલ્લું અપડેટ : 12 Nov 2025
રાજકોટના થોરાળા વિસ્તારમાં ગઈકાલે થયેલી જૂથ અથડામણની ઘટનાએ શહેરમાં કાયદો અને વ્યવસ્થાની સ્થિતિ સામે ગંભીર સવાલો ઊભા કર્યા છે. આ અથડામણના જે દ્રશ્યો સામે આવ્યા છે, તે જોતાં લાગે છે કે જાણે આવારા તત્વોને પોલીસનો કોઈ ડર કે ખૌફ જ ન હોય.
ઈંટ, પથ્થર અને સોડા બોટલના ઘા
જૂથ અથડામણ દરમિયાન આવારા તત્વોએ જાહેરમાં એકબીજા પર સોડા બોટલ, ઈંટ અને પથ્થરના છૂટા ઘા કર્યા હોવાના વિડિયો સામે આવ્યા છે. આ વિડિયો સોશિયલ મીડિયા પર ફરતા થતાં પોલીસની કામગીરી અને કાયદો-વ્યવસ્થાની સ્થિતિ સામે નાગરિકોમાં આક્રોશ ફેલાયો છે. સરેઆમ હથિયારો સાથેના આ હુમલાને કારણે પોલીસની કામગીરીની અસરકારકતા સામે સવાલો ઊભા થયા છે.
ચાર જેટલા લોકો ઘાયલ
આ સમગ્ર જૂથ અથડામણની ઘટનામાં ચાર જેટલા લોકો ઘાયલ થયા છે, જેમને સારવાર માટે હોસ્પિટલ ખસેડવામાં આવ્યા છે.
પોલીસ દ્વારા આ મામલે ગુનો નોંધીને અથડામણ કરનારા અને વિડિયોમાં દેખાતા તમામ શખ્સોને ઝડપી પાડવા માટે કાર્યવાહી હાથ ધરવામાં આવી છે.
