Rajkot/ મુસાફરોને લૂંટતી 'રિક્ષા ગેંગ' ઝડપાઈ: બે મહિલા સહિત ત્રણની ધરપકડ

રાજકોટ શહેરમાં ઓટો રિક્ષામાં મુસાફરોને બેસાડીને તેમની પાસેથી રોકડ રકમ, સોનાના દાગીના અને મોબાઈલ ફોનની લૂંટ ચલાવીને તરખાટ મચાવનાર એક 'રિક્ષા ગેંગ'ને પોલીસે ગણતરીના કલાકોમાં ઝડપી પાડી છે. પોલીસે આ ગેંગના બે મહિલા સહિત કુલ ત્રણ સભ્યોની અટકાયત કરી છે અને તેમની પાસેથી લૂંટનો મુદ્દામાલ કબજે કર્યો છે.

આ પણ વાંચો :

Rajkot/  ઉપલેટા નજીક ગમખ્વાર અકસ્માત, મોટરસાયકલ અને ટ્રેક્ટર વચ્ચે ટક્કરમાં એક વૃદ્ધનું મોત

'મારા આત્માને શાંતિ મળે', સ્યૂસાઈડ નોટમાં કારણ નહીં, માત્ર માફી; ચોટીલાની છાત્રાએ Rajkot ના કન્યા છાત્રાલયમાં જીવન ટૂંકાવ્યું 

લૂંટ કરતી ગેંગના સભ્યોની ઓળખ

પોલીસ દ્વારા આ ગુનાના સંબંધમાં નીચેના ત્રણ આરોપીઓની અટકાયત કરવામાં આવી છે. જેમાં આરીફ ઉર્ફે ચક્કી શેખ (રિક્ષા ચાલક), કાનતુ વાઘેલા (મહિલા) અને તેજલ સોલંકી નામની મહિલાની ધરપકડ કરવામાં આવી છે. 

મોડસ ઓપરેન્ડી

આ ગેંગ ખાસ કરીને વૃદ્ધ મુસાફરોને નિશાન બનાવતી હતી. વૃદ્ધ પેસેન્જરને રિક્ષામાં બેસાડ્યા બાદ, આરોપીઓ નજર ચૂકવીને અથવા રિક્ષામાં ધક્કા-મુકકી કરીને તેમના સોનાના દાગીના, પાકીટ અથવા રોકડ રકમની ચોરી કરી લેતા હતા.લૂંટ કે ચોરીને અંજામ આપ્યા બાદ, તેઓ મુસાફરને 'રિક્ષા પંચર પડી છે' તેવું ખોટું બહાનું આપીને રિક્ષામાંથી ઉતારી દેતા હતા અને તાત્કાલિક સ્થળ પરથી નાસી છૂટતા હતા.

મુદ્દામાલ કબજે કરાયો

પોલીસે આ ગેંગ પાસેથી સોનાના દાગીના, રોકડ રકમ અને મોબાઈલ સહિતનો લૂંટનો મુદ્દામાલ કબજે કર્યો છે. પોલીસે આ ગેંગ દ્વારા અગાઉ કઈ કઈ જગ્યાએ લૂંટ ચલાવવામાં આવી છે તે અંગેની તપાસ હાથ ધરી છે, જેથી વધુ ગુનાઓનો ભેદ ઉકેલી શકાય.