Video: રાજકોટ લોધીકા સંઘમાં ચેરમેન પદની વરણી ભાજપના જૂથવાદે અટકાવી

રાજકોટ લોધીકા સંઘના ચેરમેન અને વાઇસ ચેરમેનની વરણી ડિરેક્ટરો ચૂંટાયાને બે મહિના વીતવા છતાં ૩૦૦ કરોડના માતબર ફંડ અને કરોડોના વહીવટના કારણે ભાજપના બે જૂથો વચ્ચેની આંતરિક ખેંચતાણને લીધે હજુ અદ્ધરતાલ છે. સહકારી આગેવાન જયેશ રાદડિયા પાસે ૧૦ થી ૧૧ ડિરેક્ટરોનું મજબૂત સંખ્યાબળ હોવા છતાં સંગઠન નમતું જોખવા તૈયાર નથી, જેને લીધે નીતિન ઢાકેચા, સંજય અમરેલીયા અને બાબુભાઈ નસીત જેવા સંભવિત નામો વચ્ચે દિવાળી પછી પણ વરણી અશક્ય જણાય છે.