Video: ભુજના સ્મૃતિવન ખાતે ૫૧ હજાર દીવડાઓ પ્રગટાવી યોજાયો ભવ્ય દીપોત્સવ, દિવંગતોને અપાઈ ભાવભીની શ્રદ્ધાંજલિ

કચ્છના ભૂજ પાસે આવેલા ભુજીયા ડુંગરની તળેટીમાં આવેલા સ્મૃતિવન ખાતે ધનતેરસના પાવન પર્વે છેલ્લા પાંચ વર્ષથી યોજાતી ભવ્ય દીપોત્સવની પરંપરા આ વર્ષે પણ યોજાઈ. વિવિધ સંસ્થાઓ અને દાતાઓના સહયોગથી ૫૧ હજાર દીવડાઓ પ્રગટાવી વિકસિત ભારતના સંકલ્પ સાથે આ ઉજવણી કરવામાં આવી હતી. . સમગ્ર ભુજ શહેર અને આસપાસના વિસ્તારના નાગરિકોએ એકત્રિત થઈ ભૂકંપમાં અકાળે અવસાન પામેલા સ્વજનોની યાદમાં દીપ પ્રગટાવીને અશ્રુભીની શ્રદ્ધાંજલિ અર્પણ કરી હતી. આ ભવ્ય દીપોત્સવે સમગ્ર ભુજ શહેરમાં એક દિવ્ય અને ભાવુક માહોલ સર્જ્યો હતો.