Video: દુષ્કાળની સ્થિતિ વચ્ચે રાજકોટના સદભાવના બળદ આશ્રમમાં રાજકોટમાં બળદોની સેવા માટે સદભાવનાની પહેલ
રાજકોટમાં દુષ્કાળની સ્થિતિને ધ્યાનમાં રાખીને સદભાવના બળદ આશ્રમ દ્વારા એક લાખ બળદોની સેવા માટે કેટલ કેમ્પ ચલાવવાનો સંકલ્પ કરવામાં આવ્યો છે. મોટી સંખ્યામાં બળદોની આવકને કારણે આશ્રમનું ફંડ ખૂટી પડ્યું હોવાનો દાવો કરવામાં આવ્યો છે અને આશરે 15 કરોડ રૂપિયાના ફંડની જરૂરિયાત ઊભી થઈ છે. આશ્રમના જણાવ્યા મુજબ, દરરોજ અંદાજે 12 લાખ રૂપિયાનો ખર્ચ થાય છે, જ્યારે દવાઓ પાછળ બે લાખ રૂપિયાનો ખર્ચ થાય છે. કેટલ કેમ્પને સહાય મળે તે માટે રિલાયન્સ ફાઉન્ડેશનના અનંત અંબાણી સાથે પણ ચર્ચા કરવામાં આવી છે અને દાતાઓને સહયોગ આપવા અપીલ કરાઈ છે. આશ્રમ દ્વારા સરકાર સમક્ષ કેટલ કેમ્પ માટે પૂરતો ઘાસચારો ઉપલબ્ધ કરાવવા તેમજ બળદદીઠ મળતી 30 રૂપિયાની સહાય વધારીને 100 રૂપિયા કરવાની માંગ કરવામાં આવી છે.
